„Страв ми беше дека второто дете нема да си го сакам колку првото“
„Првото дете за мене беше специјално, мојата Дарси ми беше посебна, и додека бев бремена со второто не чувствував некоја голема љубов и возбуда...“, открива една мајка.
Британската блогерка Луис Пентланд, која има две деца, сподели фотографија од неа кога е бремена со второто дете и со нејзината прва ќерка до неа.
Таа откри какви внатрешни битки водела во тој период. Отворено проговори дека се чувствувала многу анксиозно затоа што сметала дека нема да може да го сака нејзиното второ дете Прл, на истиот начин како што го сака нејзиното прво Дарси, за која сметала дека е навистина специјална за неа.
Луис открива: „Во тој период не сакав да говорам многу за тоа затоа што од бремените жени по автоматизам се очекува да бидат полни со љубов кон бебето што расте во нивниот стомак и ми беше страв. Дали и некој друг се чувствува така?“
Таа порачува дека сфатила дека е во ред да се чувствувате чудно и исплашено дали ќе бидете доволно добри мајки, но и дека срцето ненадејно ќе ве изненади. Дека срцето не се дели на две кога ќе добиете второ дете, туку расте дупло.
Во ред е јавно да говорите за своите стравови, е пораката на Луис. Во таквите мигови најважна е поддршката и охрабрувањето од другите.
Многу мајки беа воодушевени од нејзиниот потег и ги раскажаа своите приказни во коментари.
С. С. | Црнобело
Би можело да ве интересира:
Препорачуваме
Најчитани неделава
