„Нареден пат кога жена ќе ја извади градата да дои пред моите деца ќе има модро око“

Мајката што ги навреди сите доилки ширум светот и стана вирален хит, за постапката е отпуштена од работа и натерана на јавно извинување.

Карли Кларк е мајка на 3 деца која јавно упати закана до сите жени кои јавно дојат.

Во објава на Фејсбук од 2018 година таа дури се закани со насилство кон сите доилки.

Иако ја избриша објавата, оттогаш принтскрин од неа кружи на интернет со низа погрдни коментари на сметка на постапката на Карли.

Таа тогаш напиша дека наредната жена што ќе се обиде да ја извади градата за да дои пред нејзините деца ќе добие модро око, а ќе го удри и нејзиното бебе.

Оттогаш компанијата Petsense каде што работела ја натерала јавно да се извини за зборовите и ја отпуштила од работа.

Дел од коментарите на интернет на сметка на објавата на Карли беа: „Јас сум многу навредена од вашата закана за мене и моето дете. Мојата ќерка има 9 месеци и јас ја хранам насекаде, кога и да е гладна, без разлика каде и да сме.“

Дали вие сте за или против доење во јавност?

С. С. | Црнобело / фото: depositphotos.com