„Докторите ме советуваа да абортирам заради неговиот деформитет“ – мајка раскажува за својата правилна одлука

Кога лекарите им соопштиле дека ќе добијат бебе со деформитет, младиот пар знаел дека сака без оглед на сè да го задржат.

Во ниту еден момент не се двоумеле за да се ослободат од него уште во бременоста. Биле подготвени да се борат со сите препреки. Сара и Крис Хелер ја споделуваат својата приказна со светот со цел да го променат начинот на размислување на кој се доживуваат децата кои се раѓаат со одредени деформитети.

„Треба да бидете горди на своето дете без разлика на околностите и судбината. Пукнатината на лицето на Броди (пресечена усна и непце) не може да не спречи да бидеме среќни.“

Синдромот на пукнати усни се случува кога одредени ткива не се формираат соодветно, а на ултразвук ова може да се види после 12-та недела од бременоста. Ова оштетување не е само од естетска природа – може да го отежне јадењето, пиењето, смеењето па дури и дишењето на детето.

Но, во најголем дел од случаите, успешно се решава со операција, па овие деца може да имаат сосема нормален живот.

„Одлучив да ги едуцирам луѓето, наместо да одговарам на дрските коментари што му е на нашето дете“ – истакнува храбрата мајка.

Минатата година Брoди бил на операција за да се отстрани овој негов недостаток. За сега, тој се опоравува добро, но го чекаат уште оперативни зафати.

Е. П. | Црнобело