Мајка покажува како ѝ изгледа телото по раѓањето на четворка

„Моето тело износи 4 мали чуда наеднаш и горда сум на него без разлика како и да изгледа сега“, вели Натали.

Натали Маре од Австралија е жена која роди четворка и сега отворено покажува како изгледа нејзиното тело по породувањето.

Таа објави фотографија на која е со маичка и изгледа одлично, а потоа ја крена маичката и го покажа несовршениот стомак по бременоста. Вели дека е горда на тоа како изгледа.

Натали вели дека токму тоа ѝ е потсетник колку е силно нејзиното тело и како успеало да износи 4 бебиња наеднаш.

30-годишната Натали долго се борела со неплодноста сѐ додека во 2018 година на свет не го донела нејзиното прво девојче. Примала хормони и успеала да затрудни потоа повторно и тоа со четворка.

На Инстаграм отворено прикажува како изгледа животот на мајка со 5 деца, како и бременоста:

С. С. | Црнобело