„Баш така е!“ - Мајка на совршен начин ги долови маките на родителите чии деца учат онлајн

Многу родители периодов се излудени и онлајн наставата на нивните деца едноставно ги носи до работ на лудило. Премногу ама премногу обврски, зарем не?

Фиона Кид од Велика Британија е мајка на две деца и професионален фотограф. Таа креираше брилијантна фотографија на која комплетно долови колку им е тешко на родителите чии деца учат онлајн од дома поради пандемијата.

На фотографијата се гледа како Фиона им помага со домашните задачи на децата, ги учи пијано, става облеката да се пере, готви, мие садови и преморена се релаксира со чаша вино.

Комбинацијата од фотографии направени во нејзиниот дом и склопени во една - совршено ги доловува маките на сите родители периодов.

49-годишната Фиона вели: „Ја креирав оваа фотографија на шега за да им покажам на пријателите што немаат деца како ние родителите се чувствуваме периодов.“

Откако фотката стана вирална, Фиона вели дека не ѝ е чудно што станала фотката таков хит затоа што верува дека сите родители се препознале во неа.

„Ах, знам што мислиш“, „Баш така е“, се само дел од коментарите кои Фиона ги добила за фотката.

С. С. | Црнобело