Исповед на мајка на новороденче: „Љубоморна сум затоа што ќерка ми личи на татко ѝ, а не на мене“

Тешко е да се биде мајка на новороденче. Нови искуства со бебето, сè е ново: немаш упатства за тоа како да го одгледуваш бебето, туку се потпираш на сопствениот инстинкт, но и на она што те советуваат другите.

На британскиот форум за родители Mumsnet сѐ повеќе луѓе ги споделуваат своите искуства од првите мигови со нивните деца. Бараат совети, но и ги искажуваат сопствените емоции околу улогата на родители.

Така оваа мајка сподели анонимна порака, во којашто искрено говори за она што ја преокупира во моментов и не, не е поврзано со тоа кои пелени се најдобри за нејзиното дете.

Како што вели, и самата се чувствува вознемирено поради сопствените емоции, но ја вознемирува тоа што нејзината ќерка од 7 недели изгледа исто како таткото.

„Таа е како него откако се роди и сите го велат тоа… Неговото семејство. Моето семејство… Сите. Секоја фотографија што ќе ја ставиме на интернет е проследена со лавина коментари за него дека таа е „негов двојник“ итн. Прво, не сакам ќерка ми да изгледа како 40-годишен маж. Второ, дали сум неразумна, ама навистина сум љубоморна и вознемирена затоа што таа не изгледа како мене“ - открива оваа мајка.

Како што напоменува, се чувствува дека вложила многу време и труд за да ја создаде и сега поминува 90% од времето во грижа за ќеркичката и не може да види ништо од себеси во девојчето и тоа ја погодува.

„Да бидат нештата полоши, мојот партнер не ужива многу да биде нов татко и се обидувам да му помогнам да се адаптира, но се чувствувам дека тој сè уште не ја сака. Сè ми изгледа нефер. Постојано се проверувам себеси и иако сум среќна дека таа е среќно и здраво бебе и ова навистина е неважно. Но, морам да кажам дека ме онерасположува. Дали сум неразумна?“ – прашува мајката.

Што мислите вие дали оваа мајка е неразумна? Дали на 7 недели можеме да кажеме на кого личи бебето и дали треба да постои љубомора?

Б. С. Б. | Црнобело / фото: pixabay.com