9 работи за кои ниту една мајка не должи никому извинување, ниту оправдување

Начинот на породување, за хаосот во домот, за вашиот изглед и дамките од млеко на облеката - работи за кои никому не должите извинување, ниту оправдување. 

Мајчинството е прекрасно искуство, но не е спорно дека мајките, посебно кога имаат новороденчиња, се соочуваат со големи предизвици и тешкотии.

Покрај убавите моменти има и многу тешки и непријатни моменти низ кои мајките мора да поминат.

Но, станува уште потешко кога околината е полна со предрасуди, критики и непотребни совети.

Важно е да знаете дека како мајка имате право да одлучите на кој начин ќе го одгледувате детето и каков живот ќе живеете.

И, за некои работи едноставно не треба да се извинувате никому.

Не треба да се чувствувате виновно и да се извинувате за…

Кога, како и каде го доите вашето бебе

Вие знаете кога на детето му е потребна храна и како е најдобро да го нахраните.

Тоа што одвојувате време за себе

Изборот и начинот на организација на времето си го правите самите.

Ако сакате целото време да му го посветите на детето и немате кој да ви помогне – во ред, ако успеете да се организирате и имате кој да ви помогне во чувањето – во ред и да си дадете време за себе без грижа на совест.

Тоа што домот ви е хаотичен

Ако на Инстаграм гледате совршено средени домови на мајки со мали деца – бидете сигурни дека во кадар не е влезен делот каде што се ставени на куп сите работи.

Тоа не значи дека не средувате, едноставно не можете во секоја минута да одите по детето.

За тоа како изгледате

Никој нема право да коментира ако најголемиот дел од времето сте во удобна облека и растурена пунџа, ниту пак ако постојано наоѓате време и успевате да се дотерате.

Тоа не значи дека не сакате да си посветите време на себеси или во другиот случај дека се гледате само себеси. Секоја мајка различно си го организира времето и има различни гледишта.

За дамките од млеко на облеката

Тоа е сосема нормална појава и на секому може да се случи – немате никаква контрола над тоа, па не е ваша вина и нема зошто да ви е незгодно.

Уште 4 работи на следната страна...