Со обѕир на тоа што во изминатите неколку дена, во амбуланта многу почесто среќавам родители кои прашуваат како да му обезбедат на своето бебе безбеден престој на плажа, одлучив да напишам краток текст со совети за млади родители кои сакаат да одат на плажа со дете помало од 1 година.

Значи, одиме по ред:

1. На малите бебиња не им е место на плажа!

Објавата предизвика лавина реакции од гневни родители на кои не им беше јасно што сака да каже докторот, па упатуваа критики кон него, а кратко потоа тој објави уште еден статус во кој се дообјасни.

Дел од втората објава на докторот, во која дава корисни совети што може да им се најдат на родителите (во консултација со нивниот доктор):

„Иако апсолутно се држам до точка 1 во претходниот текст, тоа секако не е мотивирано од моја желба да им се ограничи слободата на родителите со бебиња, туку напротив, да им се укаже на реални ризици со кои се соочуваат кога одат на летување.

Како педијатар со искуство и во амбулантна и во болничка установа во град кој е летна туристичка дестинација, не можам ни да набројам што сѐ имам видено во кариерата – од изгореници од сонце до тешки гастроинтестинални инфекции. Летувањето лесно се претвора во ноќна мора.

За почеток, со новороденче (бебе во првиот месец) не треба да патувате никаде. Новородените бебиња имаат незрел имунитет и не треба да се изложуваат на непотребен ризик да фатат инфекција која ќе им го загрози животот.

Новороденче треба да престојува дома, во близок контакт со родителите, може да оди на прошетки, но со намален социјален контакт.

Што се однесува до постарите бебиња, после 6 месеци, кога ќе зајакнат, може да се патува со нив, но дестинацијата и начинот на патување треба да се бираат внимателно.

Од епидемиолошка страна, најдобро е патување со автомобил, за да се избегне престој на места со многу луѓе и заразни болести. За дестинација, најдобро е кај баба и дедо на село или планина, а ако сепак се одлучите за море, ве чека сериозна организација.

Бирајте дестинации на кои нема гужва, плажи на кои не одат сите посетители заради тоа што е плитко и погодно за семејства со деца – таму е полно со луѓе кои ги оставаат своите вируси и бактерии насекаде, а децата сакаат да ја голтаат водата.

Ако немате избор, најдобро е да појдете рано наутро околу 7 часот, кога нема многу луѓе, а морето е исчистено во текот на ноќта.

Освен од инфекции, мора да внимавате и на опасноста од сончевите зраци.

Не е препорачливо да се оди на плажа во периодот кога УВ индексот е најсилен, а кога сте со мало бебе, тоа мора постојано да е во ладовина, најдобро под природна сенка, бидејќи чадорите не нудат доволна заштита. 

Пожелно е да имате мал УВ шатор кој ќе штити од зраците. 

Бебињата кои цицаат треба почесто да се дојат заради ризикот од дехидрација, а на останатите да им се дава вода, со оглед на тоа што е претопло, а телото на бебињата многу побрзо се загрева.

Престојот на море се смета за здравствена корист заради зголеменото примање на витамин Д преку изложеноста на сонце, но за бебињата тоа нема никакво значење затоа што секако не смеат да се изложат на сонце во првата година од животот.

Затоа не ги изложувајте непотребно на ризик од инфекции, настинки, прегревање, дехидрација и сончеви изгореници.

За нив е доволен и базенот на тераса со малку вода“.

Целата објава прочитајте ја тука. 

Секако, добро е да ги имате овие препораки на ум, но доколку вие треба да донесете одлука за патување со вашето бебе, најдобро е да се консултирате со вашиот педијатар.

M. M. | Црнобело / фото: depositphotos.com

Би можело да ве интересира:

Емотивни исповеди: „Мајка ми и татко ми останаа во брак заради мене – животот ми беше пекол“ „Моите родители останаа во брак заради нас, децата. Сега имаат 80 години, уште с...

Свекрва се жали: „Снаата ми се јави 8 пати во 2 часа додека ѝ го чував бебето - ѝ го вратив“ Имам еден син, Марко. Оженет е со Нина и имаат бебе. Никогаш не сум криела дека ...

„10 причини зошто животот ми е многу поубав без деца“ – Жена предизвика онлајн дебата „Како што моите пријателки почнаа да стапуваат во брак и да добиваат деца, стану...

Никица Ацева расте 2 мали деца во Германија: „Двапати се породив во иста болница тука, често плачат ... „Промената од 1 на 2 деца беше потешка, отколку од 0 на 1, како што и очекував. ...

„Се оддалечив од мајка ми поради сопругот, како Бруклин Бекам – уште жалам што не ѝ кажав дека ја са... „Кога мајка ми почина од рак на белите дробови, силно ја прегрнав и ѝ се извинив...

14 носталгични докази дека мајките во минатото и денес се како „небо и земја“, низ илустрации Зборувањето за менструацијата било речиси табу, а многу девојки ги криеле своите...