„Сѐ додека си под мој кров...“ - 25 фрази кои се доказ дека сите мајки се „скроени“ од ист калап

„Сè додека си под мојот покрив... “, „Ние ќе ти ги чуваме парите... “, „Не чепкај, тоа е за гостите“... Познати ви се овие реченици? Слободно допишете во коментар ако сме заборавиле некоја.

Кога бевме деца заканите од родителите ни изгледаа страшно и неправедно, а сега можеме слатко да се насмееме и да се присетиме на некои од нив.

Издвоивме 25 реченици за кои веруваме дека секој ги слушнал барем еднаш од родителите, посебно од мајките кои најчесто ги користат.

Доколку сме заборавиле некоја слободно пишете ни во коментар.

1. Сè додека си под мојот покрив...

2. Јас те родив, јас ќе ти кажам!

3. Исправи се!

4. Ако ти е здодевно, земи книга научи нешто.

5. Да не има нешто благо дома?

- Има, јаболка.

6. Колку човек е подобар со тебе, толку полош (a) стануваш...

7. Дај ги парите од роденденот ние ќе ти ги чуваме.

8. Твоја задача е само да учиш.

9. Ќе ти кажам кога ќе си одат гостите.

10. Само ако ти најдам јас...

11. Мене не ме интересира што прават другите деца, мене ми е важно ти што правиш.

12. Не чепкај, тоа е за гостите!

13. Не ја голтај мастиката, ќе ти се залепи за цревата.

14. Ај доста, да не ти дадам причина за да плачеш.

15. Не ги превртувај очите, ќе ти останат така.

16. Кога ќе пораснеш, ќе сфатиш.

17. Не пиј кафе, ќе ти порасне опашка.

18. Само мојот глас се слуша во цело маало.

19. Еден ден ќе се сетиш што сум ти зборувала...

20. Збирај памет!

21. Ќе јадеш и ќе прашаш дали има уште.

22. Кога ќе дојдеш на мои години ќе видиш како е.

23. Затоа што јас реков така!

24. Само нека дојде татко ти. Ќе видиш убаво!

25. Не шетај бос(a). Облечи папучи!

Б. С. Б. | Црнобело