Босански психолог даде дефиниција за „балкански брак“ и наиде на критики: „Никој веќе не живее така!“
„Лупаш среќо... Можеби ти живееш таков брак“, „На таков начин не живееле моите родители, а не моите врсници“, „Живеам во Босна, но ваков брак не сум видела“ – стои во дел од коментарите што еден босански психолог ги доби откако се обиде на шеговит начин да го опише балканскиот брак.
Босанскиот психолог Данијела Остојиќ е позната по тоа што на социјалните мрежи редовно споделува совети поврзани со менталното здравје.
Нејзините следбеници имаат можност да ги погледнат видеата поврзани со депресијата, односите меѓу партнерите, односот на родителите кон децата и голем број други прашања поврзани со менталното здравје.
Во едно од нејзините последни видеа Данијела на шеговит начин говори за тоа како (не треба да) изгледа балканскиот брак.
„Што е балкански брак? Првата брачна ноќ се прави дете. По првото, следува второто. Таа престанува да се дружи со другарките затоа што нема време. Тој оди на фудбал во термини. Кога не е на фудбал, тогаш е со другарите на пијалак.
Како што поминува времето таа вели: „Едвај чекам да излезе од дома“. Бракот станува должност и обврска.
Сѐ повеќе двајцата стануваат незадоволни, но не се разговара за тоа, затоа што така живеат сите.
Така живеат неговите родители, така живеат нејзините родители, а сексот завршил уште кога се правеле децата. Заклучок: немојте да живеете балкански брак, тоа не е добро за менталното здравје“ – вели таа во видеото.
Како и да е, нејзината објава наиде на голем број коментари, додека некои тврдат дека имаат таков брак, се чини дека многу погласни се оние што споделуваат негативни коментари и нејзината дефиниција ја оценија како застарена.
„Вака не живеат ниту моите родители, а не моите врсници. Можеби слично живееле баба ми и дедо ми, само што дедо ми одеше на лов наместо на фудбал. Ако говорите за времето во 20-иот век пред Втората светска војна, тогаш така живееле и брачните партнери во Европа“,
„Лупаш среќо... Можеби ти живееш таков брак и твоите и неговите родители, но има и други среќни бракови, без твојот длабок сарказам, а што се однесува до сексот и тоа не е точно“,
„Што ни препорачуваш, децата да ги оставиме сирачиња“,
„Каде го има ова? Во која димензија“ – стои во дел од коментарите.
Што мислите вие? Постојат ли уште вакви бракови на Балканот?
Б. С. Б. | Црнобело
Би можело да ве интересира:
Препорачуваме
Најчитани неделава
