Бијонсе е најмоќната личност во светот!

Бијонсе се најде на насловната на Тајм магазинот, по повод 1-то место на листата на најмоќни и највлијателни личности за 2014 година.

„Таа е шеф и ги предводи новите трендови во музичката индустрија. Нејзиниот 5-ти албум кој го објави во декември минатата година ги руши сите рекорди во продажба, а освен што е врвен уметник се бори и за поголеми права на жената. Се смета за модерна феминистка и не се плаши да ја искористи својата сексуална моќ. Освен тоа, таа е мајка на малата Блу Ајви која ја расте во духот дека може да исполни сè што ќе посака - дури и да биде иден претседател,“ се наведува во соопштението на овој магазин.

На листата на најмоќни се најде и Фарел Вилијамс, Метју Меконахи, а од спортистите највлијателна е Серена Вилијамс.