Дона и Филип од Скопје направија бајковита свадбена фотосесија во Рим: „Пред фонтана Ди Треви бевме во 4 наутро, снимавме 4 дена“

„Фризурата ја правев во маалска фризерница близу хотелот, а се шминкав сама колку што умеам (ха, ха), зашто обично не носам многу шминка. Пред фонтана Ди Треви бевме во 4 часот изутрина, и тогаш имаше 2-3 луѓе, но кога видоа дека сум невеста, самите се тргнуваа понастрана“, вели Дона Ѓорѓиевска за CRNOBELO.com.

Дона Ѓорѓиевска (28) и Филип Бакоч (30) од Скопје, скоро 4 години се во врска, но се познаваат од средношколските денови.

Многу години подоцна, нивните патишта се спојуваат сосема случајно, а во септември 2026 парот ќе прави свадба.

Но, пред свадбената веселба, тие неодамна беа во Рим, градот каде што Филип ја запросил Дона, и направија бајковита фотосесија низ улиците на градот.

За фотосесијата од соништата, но и за нивната љубовна приказна, тие раскажаа за CRNOBELO.com:

Рим има посебно значење за нас двајцата, емотивно значење пред сè.

Тоа е градот во кој започна нашата нова приказна, градот во кој го доживеавме најубавиот заеднички момент, кога Филип ме побара за жена.

Поради тие причини знаевме дека нема друг град на светов во кој ние би ја направиле свадбената фотосесија освен во Рим.

Градот е преубав сам по себе, и сите фотографии ја доловуваат и неговата убавина.

Дечките од Say Yes ги остварија нашите соништа и очекувања, но и ги надминаа со многу скалила погоре.

Освен што добивме фотки кои се бесценети и професионализам за кој немаме зборови, добивме и пријатели за цел живот, а тоа се Ване и Злате.

Венчаницата што ја носев за фотосесијата е изнајмена од Антонија Ристовска, со која сме и долгогодишни пријателки.

Тоа не е вистинската венчаница што ќе ја носам на свадбата, таа сепак ќе биде изненадување и никој освен моите блиски пријателки и мајка ми ја немаат видено, а неа ќе ја изработува Прокопие Каев.

Фризурата за фотосесијата ја правев во маалска фризерница близу хотелот во кој бевме сместени, а шминката ја правев сама колку што умеам (ха, ха), зашто обично не носам многу шминка и поради тоа не знам да се шминкам попрофесионално.

За сликањето станувавме многу рано сите.

Јас приближно околу 3 часот бев станата, најрано од сите за да се спремам, со Ване и Злате се чекавме пред нашиот хотел и почнувавме со авантурите.

Продолжува на следната страница...