5 совети како да останете „присутни“ на денот на вашата свадба

Во сиот хаос вашите мисли лутаат, брзате што да направите попрво и на крај сфаќате дека свадбата ви минала додека да трепнете.

На традиционалните свадбени прослави кои се планираат долго најчесто младоженците не се фокусирани на најважното – да бидат „присутни“ на својот свадбен ден.

Голем дел од паровите се будат со неверување дека нивната толку очекувана свадба се случила минатиот ден. Немале доволно време за ништо и минала за миг како да трепнале со очите.

За да не се случи тоа мора да се фокусирате на моментот:

Утринска рутина

Ништо не е полошо од започнување на денот во состојба на хаос. Сигурно и вие имате некои утрински ритуали, па, иако станува збор за денот на вашата свадба, вие не смеете да ги отфрлите.

Всушност, одлично е да си дадете дури и малку екстра време за себе на денот на свадбата. Јога, медитација или шолја кафе, започнете го денот како и секогаш.

Украдете време со партнерот

Да, вие сте ѕвезди овој ден, но тоа не значи дека не смеете да си посветите малку време еден на друг.

Украдете некој миг на само со партнерот. Бакнете се, прегрнете се и кажете си дека ова е денот кој толку долго го чекавте и уживајте во него.

Воспоставете контакт со очите

Зависно од бројот на гостите на вашата свадба може да биде тешко да имате значајни разговори со секој од вашите гости, но правењето на контакт со очите со нив ќе направи да се почувствувате поврзани со сите.

Иако немате време да проговорите со нив, тие нема да се чувствуваат запоставени. Има нешто магично во способноста да се комуницира со некој без да се размени збор, обидете се!

Бидете благодарни

Кога чувствувате благодарност зрачите со радост. Размислете на сите луѓе кои ве поддржаа безрезервно на ова патување, па наздравете во нивно име и пред сите кажете им колку сте им благодарни.

Направете пауза

На вашиот голем ден запомнете да направите пауза и да погледнете околу вас. Тоа ќе ви помогне да останете фокусирани на сегашниот момент. Кога ќе се посветите на тоа ќе ви изгледа како времето да стои, а токму во таквите мигови спомените се формираат.

Не дозволувајте свадбата да ви биде трка при која не сте забележале ништо и ви летнала за миг.

С. С. | Црнобело