Работи кои посакувам да ги знаев пред да почнам да планирам свадба

Не е тајна дека планирањето свадба може да биде навистина стресно искуство, но само ако вие дозволите да биде така.

За да спречите нервози при планирањето свадба, треба да знаете точно со што се соочувате и како се справите со тоа.

Покрај работите кои ви се познати, постојат и неочекувани „проблеми“ кои се појавуваат во текот на планирањето.

Токму затоа, една девојка споделува неколку вистини, за сите оние кои планираат свадба, па добро е да ги знаете однапред:

1. Нема да можете да престанете да зборувате за вашата свадба, дури и да не сакате да бидете таква личност.

2. Сè се случува одеднаш на почетокот, постојано планирате и организирате нешто, а на крај ќе бидете само изморени од поправање на сè што тргнало наопаку, од плаќање и трошење и финализирање на сите детали.

3. Луѓето ќе почнат да прашуваат за планови за бебе уште пред да дојде големиот ден, а потоа уште повеќе.

4. Сите ќе ви солат памет и ќе ви даваат совети бидејќи нормално сите се сметаат за искусни и најдобри во сè, но не обрнувајте внимание и не дозволувајте да ви ги менуваат ставовите.

5. Секоја свадба на која ќе присуствувате пред вашата ќе ја споредувате со вашите планови и постојано ќе се предомислувате, но внимавајте тоа да не стане негативна страна и сетете се дека сте го одбрале тоа бидејќи ви се допаѓало и продолжете така.

6. Тоа е ваш ден, но всушност нема да се чувствувате така, бидејќи сите блиски постојано ќе се мешаат во плановите, родителите ќе ви се мешаат во списокот со гости и слични работи кои ќе ви одат на нерви. Постои можност да ги игнорирате доколку така се поставите на почеток, но факт е дека е многу тешко, посебно доколку тие ја плаќаат свадбата.

7. Ќе направите драма барем за една непотребна работа и ќе ве фати паника дека вашата свадба нема да биде совршена, но смирете се, тоа е само преодна криза.

8. Ќе се двоумите за секоја голема одлука која треба да ја донесете, без разлика колку ви се допаѓала во одреден момент, но не дозволувајте по сто пати да се премислувате, останете на она што сте го зацртале од почеток.

9. Подобро да не го покажувате на многумина венчалниот фустан пред свадбата, бидејќи луѓето имаат секогаш многу што да кажат, а не ви се потребни нивните мислења.

10. Немојте да зацртувате одредена сума која планирате да ја потрошите и да мислите дека нема да биде повеќе, секогаш бидете подготвени за неочекуваните дополнителни трошоци.

11. Колку и работите да изгледаат хаотично во периодот на планирањето, сепак свадбата може да биде одлична и да си поминете прекрасно, но само ако вие си зацртате така и се опуштите.

М. М. | Црнобело