Девојка ѝ сошила на баба си копија од венчаницата, изгубена пред 50 години

Врската на бабите и внуките е неверојатна... Девојка од Шкотска две седмици шиела фустан за баба си, ист таков каков што таа носела на својата свадба во 1962 година.

Кога Џин Шорт од Шкотска стапила во брак со својот избраник Џек во 1962 година носела венчаница купена во локална продавница за помалку од 1.500 денари.

Венчаницата пленела со својата едноставност и убавина што дури две пријателки ја замолиле Џин да им ја позајми за нивниот свадбен ден. Но, за жал по второто позјамување таа не ја видела својата венчаница никогаш повеќе.

Нејзината внука Ејми Копланд (26) ги обожавала фотографиите од свадбата кои баба ѝ ги покажувала децении подоцна, па така одлучила да направи нешто специјално за својата баба.

Ејми која работела како костимограф во театар, како и костимограф за патувачки танцувачки групи, за време на панмдемијата го искористила слободното време за ова прекрасно дело.

Таа за две седмици направила копија на венчаницата на баба и ѝ ја подарила.

„Баба ми си чува свадбена фотографија во нејзината дневна соба и мене отсекогаш ми се допаѓаше нејзината венчаница. Мигот кога ѝ ја подарив копијата што ја направив беше многу емотивен. Таа беше изненадена и пресреќна“, изјави Ејми.

Инаку, Џин се омажила на 20-годишна возраст на 3-ти март 1962 година. За жал, нејзиниот сопруг, со кого има 4 деца, починал во 1996 година, на 58 години, од рак.

Но, Џин не го заборава својот сакан и постојано го споменува.

С. С. | Црнобело