„Невестата ми е добра другарка, но претера со барањето за нејзината свадба - што да правам?“

„Мојата пријателка ќе прави свадба оваа есен и ме замоли да ѝ го чувам детето за време на свадбата и се согласив затоа што до тогаш детето ќе наполни две години, но...“

Вознемирена девојка на Reddit се пожали какво барање од неа имала нејзината пријателка за денот на нејзината свадба.

Таа ја прашала дали би сакала да ѝ помогне на денот на свадбата со грижа за нејзиното дете затоа што работи како педијатар и знае како со деца.  

Девојката бидејќи обожава деца прифатила, но потоа дознала дека невестата всушност сака да се грижи за сите мали деца на свадбата.

Девојката додава дека често ѝ се случува луѓето да ѝ ги даваат децата да им ги чува, само затоа што знаат дека таа сака деца.

„Мојата пријателка ќе прави свадба оваа есен и ме замоли да ѝ го чувам детето за време на свадбата и се согласив затоа што до тогаш детето ќе наполни две години, ме сака многу и знам дека ќе можам да се справам со него. Но, потоа почнаа да ме прашуваат и други парови за истата услуга за денот на свадбата и сфатив дека е направен план јас да ги чувам децата на сите.

Но, јас ѝ кажав на пријателката дека не се согласувам со тоа и дека ќе го чувам само нејзиното дете затоа што тоа е нејзина свадба. А, ако другите сакаат да им ги чувам децата тогаш да ми платат за тоа. Се разбира, не сакаа.

Потоа, пријателката ми кажа дека две семејства немало да ѝ дојдат на свадбата затоа што мислеле дека ќе има некој на свадбата што ќе се грижи за нивните деца и поради мене го откажале присуството.“

Луѓето во коментари ја поддржаа девојката и посочија дека тука станува збор за себичност од страна на невестата.

„Кажи ѝ дека е неразумна и дека нема воопшто да ѝ одиш на свадба“, „Таа не е твоја пријателка“, „Јас не би одела на таа свадба и би ѝ кажала дека се чувствувам искористено“, се само дел од коментарите за поддршка.

Дали невестите навистина понекогаш мислејќи дека се центар на светот на својот свадбен ден претеруваат со барањата и ги повредуваат другите?

С. С. | Црнобело / Фото: depositphotos