Девојка од Вашингтон беше изневерена од свршеникот - го прослави распадот на свадбата (фото)

„Имам 99 проблеми, но сопругот не е еден од нив“ порача Мередит Мата (27) и ја бојадиса венчаницата во црно, откако свршеникот ја изневери.

Мередит Мата (27) од Вашингтон била во врска четири години со својот сакан, а биле дури и свршени. Но, таа се сомневала дека тој ја изневерува и на крај испаднало дека навистина е така.

Мередит веднаш ја откажала свадбата и за да не ѝ пропадне капарот кој им го дала на фотографите одлучила да си направи гламурозна фотосесија по повод распаѓањето на нејзината свадба.

Таа го прославила откажувањето на свадбата со боење на венчаницата во црно, со пресоблекување во кус црн фустан и со торта со напис „Не прифаќам“.

Потоа позирала со написи од типот „Имам 99 проблеми, но сопругот не е еден од нив“ или како пие шампањ во венчаница и на тема свадба порачува „Можеби еден ден, но не денес“.

Мередит вели дека сакала да излезе посилна од ситуацијата која ѝ го скршила срцето, па наместо да очајува дома, одлучила да се забавува на ваков начин.

„Сум гледала забави по повод разводи и мислев дека тоа е навистина кул, но не верував дека некогаш јас ќе се најдам во слична ситуација. Блиските ме поддржаа откако им го кажав планот“, вели Мередит, која вели дека верува дека еден ден ќе го сретне вистинскиот.

С. С. | Црнобело