„Ти си кралица“ – Девојка го воодушеви светот откако се венчаше во фустан купен на старо за неколку долари

И додека некои девојки земаат кредити за да ја купат својата венчаница од соништата, скромната и креативна Рејчел изгледала магично на својот свадбен ден во фустан купен на старо за симболична сума.

Рејчел Конели (26) е девојка од Флорида, САД, која сака да штеди кога станува збор за шопингот, а сепак да изгледа убаво.

Така, за својата свадба таа се појавила во венчаница купена на старо за само 3 долари (околу 164 денари).

„Го купив овој свилен фустан откако се свршивме и одлучив да го носам на нашиот свадбен ден“, откри таа.

Рејчел купила уште еден фустан од продавница за облека од втора рака и тој ја чинел само 5 долари (околу 273 денари), па така за многу симболична сума таа имала две венчаници за својата свадбена церемонија.

За првиот модел добила комплименти дека изгледа елегантно и префинето како Меган Маркл на свадбата со принцот Хари.

„Изгледаш минималистички, но скапо“. „Неверојатно, како од магазин“, „Браво, ти си кралица“ се дел од коментарите за оваа скромна и креативна девојка која блеснала на свадбениот ден за многу малку пари.

Нејзината приказна ги обиколи светските медиумите.

Како изгледаше Рејчел на својот свадбен ден, во двете венчаници:

С. С. | Црнобело