Како најефикасно да ги прекриете темните подочници со коректор?

Ставете течна пудра пред коректорот

Ако имате многу темни подочници, најдобро е прво да ставите течна пудра, па коректор, и на крај камена пудра или фиксатор во прав.

Тенкиот слој течна пудра дополнително ќе ги прикрие подочниците.

Добро исчистете ја кожата пред да почнете со шминкање

Осигурете се дека пред да почнете со шминкање, добро ќе ја исчистите кожата.

Ако имате маскара и не ја исчистите, таа може да се „растече“ и да ги направи подочниците уште потемни.

Не ставајте многу коректор

Ако ставите многу дебел слој коректор, не значи дека подобро ќе ги скриете подочниците.

Од сите продукти препорачливо е да ставате тенок слој, за шминката да изгледа поприродно.

Како природно да ја намалите видливоста на темните подочници?

Како што веќе спомнавме, некои луѓе природно имаат потемни подочници. Ако и вие спаѓате овде, важно е да знаете дека тоа е сосема во ред.

Доколку вашите подочници се резултат на замор, дехидратација или нешто друго, постојат некои трикови што ќе ви помогнат да им ја намалите видливоста:

• Наутро или навечер ставете ладна облога на очите.
• 2-3 пати неделно ставајте парчиња краставица на очите во период од 10-тина минути. Препорачливо е претходно да ги разладите парчињата во фрижидер.
• Ставајте изладени вреќички чај од камилица на очите.
• Спијте повеќе и пијте доволно вода.

Спирова С. | Црнобело