Девојка од Холандија: „Имав комплекс поради големото чело, па си направив трансплантација на коса - како поминав?“
„Отсекогаш сум имала проблем со моето големо чело, бев возбудена кога лекарот ја нацрта линијата и не забележав дека направив грешка“ – вели во нејзините видеа Холанѓанката која редовно споделува видеа и покажува што можете да очекувате по трансплантацијата на коса.
Голем број жени и девојки што имаат високо чело, мака мачат како да го скријат овој свој недостаток, а оваа жена од Холандија (33) одлучила да потроши 3.000 евра за еднаш засекогаш да го реши овој проблем, заради кој не се чувствувала самоуверено.
Холанѓанката Соња ван дер Берг на социјалните мрежи редовно објавува видеа од периодот по трансплантацијата на косата, а целта ѝ е како што вели, да го разбие митот дека тоа е естетска процедура што е резервирана само за мажите.
„Отсекогаш сум имала проблем со моето големо чело и штом дознав за третманот на пресадување коса знаев дека тоа е вистинскиот за мене“ – раскажува таа во едно од своите видеа.
Соња информира дека операцијата ја направила во Холандија, а појаснува и како се одвива процесот и од каде обично се земаат влакната за пресадување.
„Земаат фоликули од задниот дел на косата, за да не се забележи дека недостасуваат. Лекарот нацрта линија, а јас од возбуда веднаш прифатив.
Тоа ми беше единствената грешка, доцна забележав дека линијата не изгледа доволно природно“ – вели таа во видеата, но признава дека не се кае.
Инаку, претходно Соња размислувала за пластична операција за смалување на челото, но вели дека станува збор за процедура што е многу поопасна од трансплантацијата на коса и не ѝ се допаѓало тоа што морала да биде под целосна анестезија.
Погледнете неколку фотографии и видеа од Соња во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
