Тајните за нега на кожата ги научила од мајка ѝ - Која е рутината за убавина на Лејди Гага?
Нејзината шминка понекогаш може да биде екстравагантна и драматичана, но, кога станува збор за нега на кожата, Лејди Гага сака да биде едноставна.
Годинава на доделувањето на Оскарите, Лејди Гага ги збуни присутните кога, за да настапи на сцената, ја избриша шминката со која претходно се појави на црвениот тепих и се пресоблече во скинати фармерки и маица.
Многумина се прашуваат во што е нејзината тајна и како успева да изгледа совршено и кога во целост го открива сопственото лице?
Таа вели дека е верна на неколку производи за убавина кои добро делуваат на нејзината кожа, а нејзин совет е да ги пронајдете производите кои ви одговараат вам и да се држите до нив.
Не лудувајте по повеќе производи само затоа што се достапни на пазарот. Исто така, таа во неколку интервјуа споделува дека мајка ѝ ја научила дека едноставното е секогаш подобро.
Лејди Гага може да си ги дозволи најлуксузните производи за убавина, но тоа не е она што таа секогаш го користи.
Цената или етикетата на брендот не се важни за неа и не бега од купување и користење на производи за убавина во аптека.
Лејди Гага смета дека масажата за лицето е исто толку важна како и онаа за телото.
Таа помага да ги намали отокот и воспалението, ја подобрува циркулацијата на крвта и овозможува добар проток на кислород.
Нејзината едноставна рутина за убава кожа:
Лејди Гага го започнува денот со тренинг и убав топол туш кој понекогаш го менува со долга топла бања. Додека е под туш, го масира и своето лице за да ја релаксира кожата.
Вековното мислење е дека нашата кожа покажува со што ја храниме, а Лејди Гага цврсто верува во оваа филозофија. Таа е голем обожавател на хидратација и често пие кокосова вода.
Таа не само што го храни своето тело со здрава храна, туку и го храни својот ум со здрави мисли. Да бидеме здрави ментално и физички игра значајна улога во одличната кожа.
Па така, одвојува 5 минути од нејзиното утро за убави мисли за себе. Таа верува дека да се биде позитивен кон себе не само што има влијание врз вашето ментално здравје, туку се одразува и врз кожата.
Од прозиводи за убавина, Лејди Гага користи: серум со витамин Ц, хидратантна крема и маска за лице против стареење.
Покрај овај, Лејди Гага е редовна во теретана. Таа оди 5 дена во неделата и вежба најмалку 25 минути дневно. Освен што и даваат затегнато тело, нејзините тренинзи и помагаат да има сјај кој доаѓа одвнатре.
Уште неколку фотографии од Лејди Гага во продолжение:
M. Г. | Црнобело
Би можело да ве интересира:
Препорачуваме
Најчитани неделава
