8 работи што ги правиме од учтивост во салон за нокти, но ги иритираат козметичарките

Оставате козметичарот да одлучи каков маникир/педикир ќе ви прави

Во ред е да бидете неодлучни, но не му давајте задача на козметичарот да избира за вас.

Тој не може да знае што би сакале и ако резултатот не ви се допаѓа, тој ќе биде виновен.

Ако сте неодлучни, прашајте го козметичарот за совет, па сами одлучете според она што ќе ви го каже.

Помагате со чистењето

Нормално е да настане неред додека козметичарот ви ги средува ноктите. Но, не е ваша задача да го чистите.

Па, ако сакате да бидете од помош, подобро држете се настрана.

„Не заборавајте дека дел од нашата работа е да го средиме нередот. Покрај тоа, ние најдобро знаеме каде ни стои сè“, вели Карина.

Се движите додека ги сушите ноктите во УВ ламбата

Ако ви затребаат чантата или телефонот додека ги сушите ноктите, веројатно се подавате да ги земете сами, и тоа само затоа што не сакате да бидете товар на козметичарот.

Но, Карина вели дека со движењето само ќе си го уништите маникирот, па слободно побарајте помош од козметичарот.

„Не заборавајте дека ние сме овде за да ви помогнеме“, додава таа.

Се воздржувате од кивање, одење во тоалет и слично

Одењето во тоалет и кивањето се најприродни човечки потреби и нема потреба да се воздржувате.

Можеби не сакате да се задржувате со одење во тоалет или да бидете некултурни со кивањето.

Но, Карина повторно истакнува дека нема потреба од оваа учтивост бидејќи вие сте во салонот за да се релаксирате.

„Не плашете се да кажете кога ви треба што било. Тоа е сосема нормално“.

Спирова С. | Црнобело