Трендови во шминкањето и фризурите кои се вратија од минатото (и преку ноќ станаа повторно ИН)

Проѕирен маникир за нокти, темно моливче околу целото око, коса залижана наназад... Кои трендови од минатото повторно се вратија на голема врата?

Модните трендови доаѓаат и си одат. Некои се менуваат низ годините, а други, подзаборавени, преку ноќ станаа дел од модата и нашето секојдневие.

Кои трендови се вратија од минатото и доминираат на модната сцена?

Коса залижана наназад со многу гел

Веќе неколку години скоро никој не користи гел за коса. Но, тој се враќа на голема врата со новиот тренд – коса залижана наназад и зад уши.

Разбушавени веѓи

Веѓите тенки како линии веќе не се во мода, ниту пак јапонската техника за совршено обликувани веѓи. Напротив, најнов тренд се разбушавените, несредени веѓи.

Темен корен на косата

Иако долги години беше во ред русокосите да имаат потемен корен на косата, овој тренд веќе не е ИН. Напротив, фризерите инсистираат коренот да ви е секогаш бојадисан и да не оставате да ви подрасне, особено ако природната боја на коса ви е за неколку нијанси потемна од моменталната боја.

Нокти без маникир

Ноктите не мора секогаш да ви бидат налакирани или да имате совршен гел лак. Оваа сезона во мода се природни нокти, па или ставете проѕирен гел лак во салон или самите лакирајте ги ноктите со проѕирен лак за да им дадете сјај.

„Тешка“ пудра за лице

Наместо да ја покриете секоја точка на лицето со „тешка“, густа пудра, ставете крема за лице во боја на кожа или обична крема со заштитен фактор и дозволете ѝ на кожата да дише. Не е грев да ги покажете малите несовршености.

Долги, густи шишки

Повторно се во мода долгите, густи шишки кои го покриваат челото. Овој тренд беше во мода пред 10-ина години, а сега се враќа повторно на местото на ретките шишки со неправилен облик.

Природна боја на косата

Фризерите имаат една главна препорака за оваа сезона (но и за следните неколку години) - вратете ја природната боја на косата.

Дебела линија со црното моливче за очи

Овој популарен тренд се враќа повторно, откако шминкерите го избегнуваа неколку години. Наместо дебела линија со црно моливче која го обликуваше целото око, тие избираа светли нијанси и земјени тонови, а црна боја ставаа само на капакот.

А. Ј. | Црнобело