18 тренди фризури за кратка коса според обликот на вашето лице

Тркалезно лице

Боб-фризура до рамена: Ова е една од најсоодветните фризури за дамите со тркалезно лице, бидејќи визуелно го издолжува. Истовремено може да ја носат и тие што имаат рамна и тие што се со кадрава коса.

Афро-фризура: Одлична е за жените со природно кадрава коса. Кај оваа фризура не се препорачуваат шишки - тие треба да бидат во иста должина со должината на косата.

Избричени страни со нагласени шишки: Оваа фризура е за посмелите дами - страните од главата се избричени скоро на целосно (1-2cm), а шишките се кренати високо со гел. За оваа фризура мора да имате густа коса, во спротивно нема да го добиете посакуваниот ефект.

Срцевидно лице

Пикси-фризура со волумен: Оваа фризура ги нагласува јаболчиците и вилицата бидејќи фокусот е на волуменот на косата. Шишките е препорачливо да се носат на страна.

Кратка боб-фризура со кадрици: Оваа фризура е најсоодветна за дамите кои имаат природно кадрава коса, а која лесно се одржува со малку гел.

Средно-долга коса во слоеви: Ако вашата коса е прекршена, а имате срцевидно лице, тогаш ова е идеална фризура за вас. Идејата е да ја потсечете косата до рамена, во слоеви и на тој начин да ѝ дадете екстра волумен. За да го постигнете овој изглед можете да користите и спреј за коса.

Долгнавесто лице

Мини боб: Оваа фризура е соодветна за дамите со кадрава или прекршена коса, а се постигнува со слоевито потстрижување. Предност е што ваквата фризура секогаш делува полна и со многу волумен.

Должина до раменици: Иако им одговара на дамите со долгнавесто лице, важно е косата да не биде рамно потстрижена, туку во слоеви.

Куса коса во вид на „тенџере“, со шишки: Оваа фризура става акцент на делот околу очите и јаболчиците. Важно е косата да е малку подолга од страните за да можете да ја ставате зад уши.

Лице во форма на дијамант

Боб-фризура до брадата: Без оглед дали патецот ќе ви е на средина или на страна, ова е совршена фризура ако имате лице во форма на дијамант.

Должина до под рамена и шишки на страна: Оваа фризура ќе ги омекне острите црти на вашите јаболчици и ќе им даде баланс на рамните агли на лицето.

Кратка пикси фризура: За оваа фризура не ви требаат слоеви, туку да бидете рамно потстрижени. Шишките носете ги кренати нагоре - тоа ќе ѝ даде волумен на косата.

А. Ј. | Црнобело