Идеи за фризури со кои ќе ја скриете мрсната коса (ако немате време да ја миете)

Елегантни двојни плетенки

За да ја направите оваа фризура, исчешлајте ја косата надолу и добро поделете ја во две опавчиња, па потоа исплетете ги што е можно позатегнато.

Оваа фризура одлично им прилега на оние кои имаат подолга коса.

Високо опавче со лента за коса

Секогаш е добро да имате различни модели на ленти или марами за коса, затоа што се одличен избор за прикривање на масната коса.

Најпрво, фатете ја косата во елегантно високо опавче, а потоа изберете лента или марама за коса, завиткајте ја веднаш над линијата на косата и врзете ја.

„Бебешки плетенки“

Направете две мали плетенки во близина на лицето, почнувајќи од самиот корен, па краевите прицврстете ги со ластичиња.

Совршени се за секојдневни излегувања или кога се брзате, а ќе ви дадат модерно решение за справување со мрсните прамени. Одлични се и за кратка и за долга коса.

Неуреден страничен дел на косата

Овој неуреден изглед може да го постигнете со само малку сув шампон, а сè што треба е да ја префрлите косата на едната страна и да добиете повеќе волумен.

Странична плетенка со лента

Ова модерно решение не само што ќе ви ги прикрие мрсните прамени, туку ќе ви даде и шармантен изглед.

Исплетете ја косата на едната страна, вметнувајќи во неа шарена лента. На крај прицврстете со ластиче и извлечете неколку лабави прамени.

М. Ѓ | Црнобело