Идеи за фризури со кои ќе ја скриете мрсната коса (ако немате време да ја миете)

Опавче со повеќе стегачи, елегантна пунџа, плетенки - постојат многу фризури кои ќе ви помогнат да ја скриете мрсната коса кога немате време да ја миете.

Мрсната коса е проблем со кој се борат многу жени. Ако едниот ден косата е бујна и сјајна, веќе наредниот ден може да изгледа како да не е миена со денови.

Но, ако сакате да го прескокнете тоа често миење (или можеби немате време), а притоа да излезете надвор полни со самодоверба, тогаш вреди да испробате некои од овие фризури кои ќе ви помогнат да го прикриете мрсниот корен и неуредните прамени.

Збогувајте се со „лошите денови“ на вашата коса и експериментирајте со некои од овие фризури:

Опавче со повеќе стегачи 

Оваа фризура е едноставна и брза за правење, а ќе ви додаде повеќе волумен на косата.

Соберете ја косата во високо или ниско опавче, а потоа поставете дополнителни ластичиња по нејзината должина.

Асиметричен изглед

Разделете ја косата прецизно, а потоа од едната страна користете мали шноли за да ја затегнете и да добиете елегантен, асиметричен изглед.

Добро е при рака да имате и сув шампон за да го комплетирате целиот изглед.

Неуредна пунџа со марама

Овој изглед ќе го постигнете брзо и без многу напор. Едноставно соберете ја косата повисоко и ставете марама неколку сантиметри подалеку од челото за да добиете поопуштен изглед.

Може да испуштите и неколку прамени за да добиете уште полежерен изглед.

Двојни замотани пунџи

Двојните замотани пунџи на задниот дел од главата изгледаат елегантно и ќе ви ја зголемат самодовербата. Ако ви е здодевен истиот неуреден изглед во пунџа, испробајте го ова.

Започнете така што ќе ја разделите косата по средината, а потоа секој дел соберете го во ниско опавче и извртете го во тесна пунџа. Ако е потребно, користете и мали шноли.

Елегантна пунџа со плетенка

Елегантната пунџа со плетенка ќе ви даде неодолив изглед, а притоа ќе ви ги прикрие масните прамени.

Исчешлајте ја косата наназад и соберете ја во високо или ниско опавче, во зависност од пригодата. Исплетете го опавчето и завртете го во пунџа, па прицврстете со врвка за коса.

Продолжува на следната страница...