Трикови за шминкање со кои визуелно ќе го намалите високото чело

Ако сакате да го одвлечете вниманието од вашето чело, тогаш најдобриот трик е да ги нагласите усните. Нанесете светло розов или корален кармин, а притоа запаметете дека другата шминка треба да биде едноставна.

Благодарение на производите за шминкање, може да ги нагласите вашите природни карактеристики и да го подобрите изгледот.

Но, притоа, со шминката може да експериментирате, играјќи си со цртите на лицето, па така, може да направите вашите тенки усни да изгледаат пополни, да ја добиете посакуваната дебелина на веѓите, да направите вашиот нос да изгледа потенок, но и да направите челото да ви изгледа помало.

Ако сакате визуелно да го намалите високото чело, можеби ќе ви се најдат следниве трикови:

Користете руменило

Користете светла боја на руменило за да го одвлечете вниманието од вашето чело. Може да ставите и малку розова или нијанса на праска по јаболчниците на образите.

Исто така, ефикасен трик е и користењето на светкави производи, затоа што ќе направат светлината да се рефлектира на образите, а со тоа да го привлечете вниманието кон центарот на вашето лице.

Потемна основа

Контурирањето може да ви помогне да го обликувате вашето лице, но само ако правилно ги комбинирате нијансите.

Изберете мат коректор или подлога, која е пет нијанси потемна од вашата природна боја на кожа. Потоа, почнете да цртате темна линија на врвот на вашето чело, а користете четка со средна големина. Добро размачкајте за контурирањето да изгледа природно, без остри линии.

Потоа дополнете со бронзер за подобар ефект.

Хајлајтер

Изберете светкав хајлајтер и нанесете го во центарот на челото, точно помеѓу веѓите, па разнесете го нанадвор. Исто така може да го нанесете и на коренот на носот.

Со оваа техника ќе го привлечете вниманието на долниот дел од вашето чело кое нема да изгледа толку високо.

Потенки образи

Потенките образи ќе ви помогнат да го привлечете вниманието кон центарот на лицето, а со тоа да го оттргнете вниманието од вашето чело.

Користете бронзена пудра која е 3 до 4 нијанси потемна од вашата природна нијанса на кожата.

Нанесете ја во дијагонална линија од центарот на образот, кон увото. Не заборавајте убаво да ја размачкате сè додека не добиете природен изглед без остри линии.

Бронзер

Бронзерот мора да биде мат и најмалку 3 нијанси потемен од природната нијанса на вашата кожа.

Нанесете го на слепоочниците и околу линијата на косата. Повторно, добро размачкајте го.

Впечатливи очи

Нанесете впечатлива шминка, така што фокусот ќе биде на вашите очи, па ќе го одвлечете вниманието од челото.

Нанесете од омилената шминка или направете ефект на „зачадени очи“, а не заборавајте да користите маскара со која ќе ги истакнете трепките, а можете да ставите и потемен креон за очи.

Нагласени усни

Ако сакате да го одвлечете вниманието од вашето чело, тогаш најдобриот трик е да ги нагласите усните.

Нанесете светло розов или корален кармин, а притоа запаметете дека другата шминка треба да биде едноставна.

Изберете правилен облик на веѓи

Веѓите ќе ви помогнат визуелно да го намалите челото, а за таа цел треба да имаат поостар агол.

Внимавајте лакот да биде висок или дебел, за да изгледа дека има повеќе простор помеѓу окото и коската на веѓите.

Покрај овие совети за шминкање, имајте предвид дека во целта да го прикриете големото чело, може да ви помогнат и фризурите.

Можете да пробате фризура на слоеви, боб фризура или, пак, кратки шишки.

М. Ѓ | Црнобело / фото: freepik.com