Фризури од кои ќе изгледате постаро по 40-тата година (и треба да ги избегнувате)

Многу жени цел живот носат една иста фризура... Но, ова е голема грешка, особено што постојат фризури кои додаваат години, па прават да изгледате постаро отколку што сте.

Фризурата која ја имавте во 20-тите години не е соодветна за кога ќе наполните 40+.

Постојат фризури кои додаваат години и поради кои ќе изгледате постаро отколку што сте навистина.

Во продолжение погледнете кои 5 фризури треба да ги избегнувате ако имате повеќе од 40 години:

Премногу долга коса

Предолгата коса визуелно го издолжува лицето, особено што тонусот на лицето со текот на годините се опушта, па и образите ни „се спуштаат“ надолу.

Затоа малку скустете ја косата (за таа и понатаму да е долга), а потоа додадете ѝ волумен, така што ќе ја носите во благи кадрици или ќе ја потстрижите степенесто.

Рамна коса до рамениците

Иако на многу жени им е омилена рамната коса до раменици, сепак оваа фризура додава години и ги прави поостри цртите на лицето, а ги нагласува и брчките.

Затоа не се препорачува за дамите над 40 години.

Алтернатива за оваа фризура е рамна кратка коса или рамна коса до под рамениците.

Кратка боб фризура со шпицови и шишки

Краткиот боб со долги шпицови и рамни, густи шишки е топ фризура на 30+ години, но не и откога ќе ја надминете 40-тата година.

Ако оваа фризура ви е омилена, сепак изберете алтернатива, па наместо долги шпицови, тие нека бидат пократки, а косата нека биде степенеста и нека има повеќе волумен.

Фризура „без движење“

Со текот на годините косата го губи својот волумен, влакното станува потенко и поретко.

Токму затоа по 40-тата година треба да избегнувате фризури кои се „без движење“, односно рамни и „здодевни“.

Дајте ѝ живост на косата така што ќе ја потстрижувате во слоеви, а по желба, можете да направите и благи кадрици.

Кратка коса залижана наназад

Ниедна жена по 40-тата година не би требала да носи кратка фризура која ќе ја залижува наназад.

Ваквата фризура ги нагласува брчките и несовршеностите на лицето наместо да ги крие.

А. Ј. | Црнобело