Чекор по чекор упатства: Како сами да се потстрижите + да си направите фризури?

Како најлесно сами да си ги потстрижите шишките, а да не се каете за тоа? И знаете ли како се прават совршени кадрици? Овие трикови ќе ви помогнат...

Имате долга коса и сакате да ја освежите, да скратите само 2-3cm. Но, знаете и дека ако одите на фризер ќе ви скратат барем 5cm, бидејќи вашите 2cm и оние на фризерот не се мерат исто... Па како да се потстрижите сами?

За среќа, постојат трикови и лесни начини со кои косата можете да си ја средите самите, а да делува како да сте биле на фризер.

Напомена: Доколку не сте талентирани за вакви работи, подобро не експериментирајте и посетете експерт. 

Кадрици без виклери

Што ви треба?

• Шноли за коса
• Картонски ролни од тоалетна хартија

Како да направите кадрици?

Ако ви е косата сува, малку навлажнете ја. Поделете ја на онолку дела колку што имате картонски ролни од тоалетната хартија.

Секој прамен коса навикајте го на картонската ролна (како со виклер), па фиксирајте го со по 2-3 шноли (за да не ви се растури).

Држете ги ролните барем 3-4 часа на главата (можете и да ја издувате косата со фен за подобар ефект).

Кога ќе ги тргнете шнолите и отпуштите картонските ролни, косата ќе ви биде во благи кадрици.

Кадрици со цедалка-сито

Што ви треба?

• Голема цедалка-сито
• Фен

Како да направите кадрици?

Измијте ја косата. Земете ја цедалката-сито и ставете еден прамен од косата во неа (како на фотографијата.

Дувајте со фенот додека целосно не се исуши праменот.

Повторете ја постапката со целата коса и за кратко време ќе имате фризура со кадрици.

Потстрижете ја сами долгата коса

Што ви треба?

• 3 ластичиња
• Остри ножички

Ако имате многу долга коса, можете да ја потстрижите сами (но само кога сакате косата да ви е рамна).

Спојте ги предните прамени коса од левата и десната страна на главата под подбрадокот, па префрлете ги преку главата (како на фотографијата).

Останатата коса на истиот начин (поделена на пола од левата и десната страна) врзете ја во опавче под брадата.

Додајте уште еден стегач скоро на врвот на опавчето, па почнете да ја кратите косата во рамна линија.

Сега префрлете го нанапред и опавчето што го префрливте зад главата, допрете го до косата што веќе ја скративте и почнете да шишате (на овој начин косата ќе ви биде рамна и секаде со едаква должина).

На крајот, префрлете ги прамените коса преку показалецот и скратете ги влакната што стрчат.

Рамни шишки

Што ви треба?

• Проѕирен селотејп
• Остри ножички

Врзете ја косата во опавче. Исчешлајте ги шишките надолу и преку нив ставете парче селотејп.

Со рацете притиснете нежно за селотејпот да се залепи за косата.

Сега почнете да сечете по должината што сакате да ја добиете - косата ќе стои на место и нема да ви „бега“ на некои влакна да се подолги, а други покуси.

Откако ќе ја скратите косата, отстранете го селотејпот.

Секако, не очекувајте со овие трикови да добиете загарантирано добра фризура како да сте излезени од фризер. 

Потребно е сепак малку да сте вешти во ова, па немојте да правите голем ризик со големи сечења на косата и сл. 

Препорачливо е секогаш да посетите фризер, а овие трикови да ги користите во екстремни ситуации. 

А. Ј. | Црнобело