5 вежби со кои ќе ги намалите брчките и масните наслаги на лицето

Овие вежби за лице се лесни за изведување и може да ги правите каде било, а ќе ви помогнат да ги зајакнете мускулите на лицето и да ја обликувате линијата на вилицата.

Покрај добивањето тежина на стомакот и бутовите, и лицето е место каде што може да се здебелите.

Па, кога ќе се погледнете во огледало, тоа честопати може да ви предизвика непријатност и да ви ја руши самодовербата. Затоа, вежбите за лице се одговор на вашиот проблем.

Во продолжение погледнете неколку вежби кои може да ви помогнат да ги зајакнете мускулите на лицето и да ја обликувате линијата на вилицата:

Прва вежба

Затворете ја устата и вшмукајте ги образите навнатре, правејќи израз како лице од риба.

Додека сте во оваа позиција, обидете се да се насмеете и држете го лицето така од 15 до 20 секунди.

Потоа, ослободете го лицето и опуштете се. Повторете го ова барем 5 пати.

Втора вежба

Седнете или застанете, држејќи го грбот исправен. Навалете ја главата наназад, држете ја устата затворена и истегнете го вратот колку што можете повеќе.

Држете ја долната усна над горната и притоа гледајте нагоре. Држете се во оваа позиција околу 5 секунди.

Потоа, вратете ја главата назад кон почетната позиција и повторете го ова уште 10 до 15 пати.

Трета вежба

Отворете ги очите широко, држете ги веѓите подигнати со показалците и внимавајте да не ви бидат збрчкани.

Потоа, ставете ги показалецот и средниот на краевите од веѓите, како на илустрацијата.

Со помош на показалецот и средниот прст, кревајте ги веѓите нагоре и надолу.

Повторувајте 3 серии од по 30 секунди.

Четврта вежба

Наполнете ја устата со воздух и надујте ги образите, па држете го воздухот околу 10 секунди.

Потоа, префрлете го воздухот само на левата страна, држете така 10 секунди, па потоа на десната и така повторно држете 10 секунди.

Ослободете го воздухот, правејќи големо О со устата. Повторувајте ја вежбата 5 пати.

Петта вежба

Оваа вежба е поедноставна, а за нејзино изведување потребно ви е гума за џвакање, без шеќер.

Само треба да џвакате најмалку 15 до 20 минути, и тоа двапати на ден.

М. Ѓ. | Црнобело