4 фризури со шишки кои изгледаат добро на секаков тип коса

Овие фризури со шишки им стојат добро и на жени со права, но и на жени со виткана коса.

Оваа сезона шишките се враќаат на голема врата, а има многу начини на кои можете да ги носите.

Боб и пикси фризурите со шишки долго време се веќе во тренд, но оваа сезона и долгата коса со шишки е подеднакво интересна.

Најважна ставка кај шишките се токму димензиите кои умеат да ги нагласат добрите црти на лицето.

Кои фризури изгледаат добро и на права, и на виткана коса?

Микро боб со шишки

Боб фризурата доаѓа во нова, поинтересна верзија, со микро шишки.

Ова е дефинитивно фризура за најхрабрите.

Микро боб е пократка од класичната боб фризура, некаде до брадата, а шишките се исто така микро.

Станува збор за ретки шишки, односно само дел од косата е поткастрен до очите, а другиот дел од шишките е скратен онолку колку што е потребно да се вклопи со остатокот коса.

Џејн Биркин шишки

Името го добиле по модната и музичка икона од 70-тите, Џејн Биркин.

Овие шишки одговараат со скоро секоја должина на коса.

На средината на челото со пократки, додека нивната должина постепено се зголемува како што одат кон лицето, што скоро и влегуваат во очи.

Шишките во стилот на Биркин прилегаат на сите облици на лицето.

Рамни шишки

Ако сакате визуелно да го издолжите лицето, но сепак не сакате многу кратки шишки, ова е фризура за вас.

Шишките во рамна линија може да бидат и подолги и пократки, а со нив косата изгледа визуелно подолго.

Одлични се со права, но и брановидна коса.

Долги шишки во слоеви

Доколку не сте подготвени за многу кратки шишки, тогаш ова е фризура за вас.

Станува збор за шишки кои го обликуваат лицето, но во исто време се доволно долги за да не пречат и не е потребно дополнително да се одржуваат.

Ова е вистинска фризура за оние кои не сакаат да ризикуваат, а сакаат промена.

С. Ш. | Црнобело