5 летни фризури кои веднаш ќе ве подмладат

Колку пати во најжешките денови добивате желба да си ја откорнете косата заради тоа што не можете да ја издржите горештината?

Наместо сами да ги земете ножичките и да си ја скратите косата или да се нервирате што секоја вечер мора да ја врзувате и да спиете со опавче, размислете да направите една од овие 5 фризури.

Освен што се одлично решение, тие ќе направат да изгледате и до 10 години помладо.

Каква фризура да изберете ова лето?

Долга коса со изразен степен

Ова е идеална фризура ако не сакате да ја скратите премногу косата.

Степенот ѝ дава волумен (поради слоевите во различна должина), а косата секогаш делува како да е совршено наместена, дури и кога ќе заборавите да ја исчешлате.

Боб до под уши

Една од најпопуларните фризури за ова лето е боб до под уши.

Важно е косата да биде благо фенирана навнатре и да ја носите ставена зад уши.

Ова е совршена фризура за жените со тркалезно или овално лице, бидејќи визуелно го шири лицето.

Пикси

Пикси фризурата е можеби најдобрата опција за ова лето, особено ако не се плашите да направите голема промена и да ја скратите косата драстично (или ако кратката коса е вашиот избор со години).

Оваа фризура го нагласува вратот и му дава елегантен изглед на лицето, а фризерите им ја препорачуваат на дамите кои имаат поретка коса или густа коса, но тенко влакно, кое полесно ќе се обликува и ќе ја задржи посакуваната форма.

Се препорачува и за жените со големо чело, бидејќи шишките ќе го скријат визуелно.

Кратка залижана коса

Оваа фризура не одговара на секој тип на лице, па најмногу им се препорачува на жените чие лице е во форма на срце.

Косата е многу кратка, а шишките долги и се носат залижани, префрлени на едната страна.

Делува шармантно, но сепак, за ваква фризура се решаваат само најхрабрите дами, кои не се плашат да експериментираат со изгледот.

Асиметрична боб фризура

Оваа фризура е најчесто со должина до средината на вратот, со тоа што едната страна на косата е подолга од другата.

Фризурата се носи во патец, кој е на левата или десната страна од лицето.

Косата од спротивната страна е ставена зад ушите за да изгледа визуелно пократка од другиот дел.

Оваа фризура им одговара на сите форми на лице, а што е најважно - подмладува.

А. Ј. | Црнобело