Калтрина за стилот и убавината: „Порано броев калории, но веќе не се лишувам од храна за да имам витко тело“

Начин на исхрана

„Во последно време, морам  да признаам, дека баш и не внимавам на исхраната и не бројам калории воопшто.

Тоа го правев со години кога многу интензивно тренирав и се лишував од сè што ми се јадеше.

Убаво е да се има витка линија на телото, но уште по убаво е кога е човек среќен и задоволен во своја кожа.

Јас сум голем гурман, и проблем ми е да не јадам. Многу сакам морска храна и суши, но дома тоа не знам да го зготвам, па често јадам надвор.

А кога готвам тоа е најчесто некое месо со зеленчук, бидејќи сепак се трудам да јадам здраво во големиот дел од времето“.

Фитнес и вежби

„Вежбам и сум физички активна, но не како порано.

Претходно бев фитнес фрик, но поради здравствени причини и проблеми со имунитетот, морав малку да намалам со интензитетот на тренинзи.

Сега возам велосипед, планинарам, вежбам фитнес, периодично вежбам и јога, но сепак си го слушам телото и правам тоа што во моментот ми се прави“.

Повеќе фотографии од Калтрина:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело