Фризури кои ќе бидат хит во 2025 година – природниот изглед доминира

Долга права коса или ретро боб без со минимално стилизирање – предлог фризури за новата година.

Природниот изглед станува сè попопуларен, а изгледа дека ова ќе се забележува и кај фризурите.

Што ќе биде хит во новата година?

„Течна“ коса

Попозната како liquid hair, оваа фризура се однесува на долга, права и рамно потстрижена коса.

Предност се дава на здравиот изглед на косата која делува како да е течна.

Ова е одличен избор за оние кои сакаат да ја негуваат косата, но не им се троши многу време во фризури.

Ретро боб

Секоја сезона е популарна некоја варијанта на боб фризурата.

Во 2025-та, најголем хит ќе биде таканаречената ретро боб фризура, инспирирана од Рејчел од „Пријатели“.

Косата треба да се со должина до вратот и малку стилизирана, односно испеглана или фенирана.

Природна коса

Ова не е една фризура, туку тренд според кој треба гордо да ја носите вашата коса со нејзината природна текстура, без разлика на должината

Подолга варијанта на wolf cut

Оваа фризура е хит веќе година-две, но во 2025-та попопуларна ќе биде подолгата верзија која е полесна за стилизирање.

Фризурата им стои добро на сите бидејќи го врамува лицето и има волумен.

Clavicut

Оваа фризура е одлична за оние кои не можат да се одлучат дали сакаат долга или кратка коса.

Clavicut се однесува на фризура со должина приближно до клучните коски и изгледа добро без разлика дали имате права или виткана коса.

Шишки

Шишките се хит веќе некое време, а во 2025-та популарни ќе бидат оние како „завеси“ или таканаречените „Биркин“ шишки.

Спирова С. | Црнобело