10 фризури за дотерување за девојки со долга коса

Високо кренато опавче со крупни кадрици

Направете крупни кадрици (кои потоа нема да ги исчешлате, туку благо ќе ја протресете косата со прстите), па направете опавче и кренете го колку што можете повисоко на темето.

Од опавчето земете еден прамен и намотајте го околу ластичето, а потоа фиксирајте го со шноли.  

Неуредна пунџа (совршена ако имате кадрава коса)

Оваа фризура е идеална за жени кои имаат долга кадрава коса.

Соберете ја косата во опавче (но не ја „залижувајте“), па направете пунџа.

Од самата коса извлечете помали прамени и пуштете ги да паѓаат слободно, за да ѝ дадете „ноншалантен“ изглед на фризурата, како да не сте се труделе премногу да ја направите.

Минималистичка пунџа за дами со ретка коса

Ако имате долга коса, но ретка или со тенко влакно, ќе добиете гламурозен изглед ако ја залижете колку што можете повеќе (секое влакно да е собрано), а потоа да направите пунџа.

Пунџа во форма на осумка

Оваа елегантна пунџа нема да можете да ја направите самите дома.

Но, ако ви се допаѓа и сакате да имате впечатлива фризура, тогаш може да ви ја направат на фризер.

„Прекршени“ кадрици и марама

Овој изглед е класика, но фризурата е модерна и во 2025-та.

Благо прекршете ја косата, поделете ја на патец и преку него врзете марама - ќе изгледате совршено.

А. Ј. | Црнобело