8 митови за убавина со кои ѝ штетите на кожата (и непотребно трошите пари)

Само затоа што некој продукт е многу скап, не значи дека ќе биде погоден за вас. Некогаш може и најевтината опција да биде идеална за вашата кожа.

Со толку многу продукти за нега на кожа кои ни се достапни денес, нормално е да се чувствуваме малку изгубено.

Од секаде слушаме и совети за тоа што треба, а што не треба да правиме за да имаме совршена кожа.

Но, многу од овие совети се погрешни и поради нив трошиме и повеќе пари отколку што треба.

Митови за нега на кожа кои треба да ги заборавите:

Мит 1: Треба да користите крем со највисок заштитен фактор

Кремовите со фактор 50 обично се многу густи, па може да не се погоди за луѓе со помрсна и почувствителна кожа.

Исто така, тие се и поскапи.

Кожата ќе ви биде доволно заштитена и ако ставите крем со фактор 30.

Многу поважно е редовно да го нанесувате кремот, односно на секои два-три часа.

Мит 2: Антибактерискиот сапун најдобро ја чисти кожата

Антибактерискиот сапун ги убива бактериите, но вклучително и оние кои ѝ се потребни на кожата.

Овие сапуни можат да бидат многу агресивни за редовна употреба, особено на лицето.

За вообичаено миење раце, нема потреба да користите антибактериски сапун, додека за лице подобро е да користите соодветно средство, без разлика дали пена, гел или нешто друго.

Мит 3: Поскапите продукти се подобри

Само затоа што некој продукт е скап, не значи дека ќе биде добар за вас.

Сите имаме различна кожа и важно е да ги најдете продуктите кои се соодветни за вас, без да се фокусирате на тоа да се скапи.

Некогаш и најевтиниот продукт може да биде совршен за вас.

Мит 4: Природните продукти за убавина се подобри

И во овој случај важи истото како и за претходниот мит – сè зависи од вашата кожа.

Исто така, важно е да знаете дека само затоа што на амбалажата пишува „природно“ или „органско“ не значи дека е идеално.

Секогаш внимателно читајте ги состојките и избирајте ги продуктите според тоа.

Продолжува на следната страница...