8 митови за убавина со кои ѝ штетите на кожата (и непотребно трошите пари)

Мит 5: Треба почесто да ги менувате продуктите за убавина

Кожата нема да стане отпорна на одреден продукт ако го користите долго.

Исто така, кожата нема ни да се навикне на некој продукт, па ако ви создава иритација, престанете да го користите.

Ако забележите дека некој продукт повеќе не е ефикaсен како претходно, можеби настанала промена во вашата кожа.

И, дури тогаш заменете го.

Но, штом нешто ви годи, нема потреба да го заменувате по некое време.

Мит 6: Можете да ги намалите порите

Порите не се отвораат и затвораат, но со текот на времето можат да се прошират поради акни и проблеми со кожата.

А, нивната природна големина зависи од генетиката.

Тие може да делуваат како да се поголеми и ако се полни со нечистотии.

Па, нема продукти што ќе ги намалат порите, туку само ќе ги исчистат.

Доколку имате многу проширени пори и лузни од акни, тогаш консултирајте се со дерматолог за некаков лекарски третман.

Мит 7: Кремовите помагаат за темните кругови под очите

Кремовите со состојки како витамин Ц можат малку да ја осветлат кожата под очите.

Но, темните кругови можат или да бидат наследни, или да се поради недоволно сон и лоши животни навики.

Доколу не ви се наследни, тогаш водете подобра грижа за здравјето и нивната видливост ќе се намали.

Кремовите, од друга страна, слободно користете ги за да ја негувате кожата во оваа болест и да ја забавите појавата на брчки.

Мит 8: Нема потреба од хидратантен крем ако користите серуми

Серумите и хидратантните кремови имаат разни функции во негата на кожата.

Додека серумите се полни со активни состојки со разни придобивки, хидратантните кремови ја навлажнуваат кожата.

Кога кожата е хидрирана, помалку ќе се мрси или суши и ќе биде заштитена од низа проблеми.

Затоа, препорачливо е по серумот, да нанесувате и хидратантен крем.

Спирова С. | Црнобело