7 фризури за жени, кои ќе бидат во тренд оваа пролет

Ако сакате да ја освежите косата на почетокот на пролетта, наместо само да ги потстрижете врвовите, соберете храброст и направете поголема промена. Една од овие тренди фризури сигурно ќе ви се допадне.

Некои жени постојано ја менуваат фризурата, други, пак, цел живот се со еден стил за кој веруваат дека им стои најдобро и не сакаат да експериментираат.

Но, ако вие сте од оние што не се плашат од промена на фризурата, тогаш прочитајте што ќе биде во тренд во пролетта 2025 и изберете една фризура која ќе го освежи вашиот лик.

Ова се 7 фризури кои ќе бидат во тренд оваа пролет:

Краток боб (до под уши)

Иако скоро никогаш не излегува од мода, според фризерите оваа година ИН ќе биде краток боб до под уши (или во линија со вилицата) - фризура која лесно можете да ја стилизирате и самите.

Пикси фризура

Кратко потстрижана коса на страните од главата и над вратот, а волуменозна на темето, со асиметрични шишки - пикси фризурата е идеална за храбри и самоуверени жени.

Бикси фризура

Ова е, всушност, комбинација од претходните две - краток боб до под уши со пикси фризура.

Но, според фризерите, ова е фризура која е малку потешка за одржување, па нивна препорака е да одите почесто на фризер.

Степенеста фризура со шишки

Оваа година до израз треба да дојде степенувањето на косата, па затоа се препорачува фризурата да е со шишки, а степенот да почне веднаш од под нив и да е силно изразен.

„Водопад“ на долга коса

Ако имате многу долга коса, можете да ја потстрижете во вид на „водопад“, односно во слоеви, така што секој слој што ќе оди од горе надолу ќе биде покус од претходниот (како на фотката).

Долга коса со шишки во различна должина

Наместо да носите рамни кратки шишки (или да ги потстрижете на косо), оваа сезона решете се за малку подолги шишки кои ќе ги носите во патец, а притоа ќе се во различна должина за да му дадат убав облик на вашето лице.

Долга коса потстрижена во форма на буквата V

Модерна и лесна за одржување, оваа фризура ќе биде во тренд цела пролет.

Им одговара на сите, но важно е косата секогаш да е зад рамениците за да може да се види формата во која е потстрижана.

А. Ј. | Црнобелo