6 трикови за ефикасно отстранување шминка (за да ја заштитите кожата од иритации)

Продуктите како мицерална вода држете ги 30-тина секунди на очните капаци за полесно да ја отстраните маскарата и сенката за очи.

Иако денес ни се достапни секакви продукти за нега на лице, секоја жена знае дека отстранувањето на шминката не е така лесно, особено кога е во прашање „понападна“ или водоотпорна шминка.

Но, некои трикови можат да ви го олеснат отстранувањето.

Дел од нив во продолжение:

Држете го продуктот 30 секунди

Кога отстранувате шминка со мицерална вода, масло или сличен продукт, треба да му дадете време да функционира. Ова е најважно за шминката на очите, како маскара која е водоотпорна.

Ставете го продуктот на тупфер и држете го 30 секунди на очниот капак за да има време да ја „раствори“ шминката. Потоа само нежно избришете.

Два тупфери наместо еден

Бидејќи тупферите се многу тенки, продуктот, а потоа и шминката можат да ви се разлеат и по рацете и да не го исчистат лицето многу добро.

Затоа, подобро е да користите по два тупфери одеднаш.

Трик со влажна крпа

За полесно да ја отстраните целата шминка, натопете чиста крпа со топла вода.

Држете ја крпата на целото лице неколку секунди, па потоа избришете ја шминката со продукт за отстранување.

Отстранувајте ја шминката пред спиење

Никако немојте да си легнувате со шминка бидејќи може да си ја иритирате кожата, но и следното утро ќе биде размачкана и потешко ќе ја отстраните.

Па, пред спиење, задолжително темелно исчистете го лицето.

Користете масло, па продукт на база на вода

Кога сте нашминкани со повеќе продукти, како на пример за на свадба, најдобро е да комбинирате продукти за отстранување.

Прво употребете продукт на база на масло кој ќе ја раствори шминката, па потоа уште еднаш исчистете го лицето со продукт на база на вода, како мицерална вода.

Редовно чистете ги четките за шминкање

Дури и ако темелно го чистите лицето навечер, нема да ви биде од помош ако користите валкани четки за шминкање.

Па, чистете ги четките барем еднаш неделно со топла вода и нежен сапун или шампон.

Спирова С. | Црнобело