7 тајни на жените од Јужна Кореја за здрава кожа на лицето, со „порцелански“ изглед

Масажа и вежби за лице

Вежбите за лице, нарекувани и јога за лице, ги активираат мускулите на овој дел од телото, што, пак, има влијание врз изгледот на кожата.

Масажата ја подобрува циркулацијата, а со тоа го поттикнува здравјето на кожата на лицето. На интернет можете да најдете безброј вежби и техники за масажата за лице.

Иако за некои масажи се користат ролери и слични алатки, не мора да купувате бидејќи има масажи за кои можете да ги користите и само вашите дланки.

Неколку слоеви тонер за лице

Тонерот ги чисти порите на кожата, ја хидрира, ја регулира нејзината pH вредност и ја подготвува за другите продукти за нега.

Ова е меѓу омилените продукти за убавина на Корејките и тие не нанесуваат само еден слој. Имено, пости таканаречен метод со седум слоеви за кој се верува дека ја зголемува ефикасноста на тонерот.

Најпрво треба да ја исчистите кожата, а потоа нанесете тонер. Откако ќе се исуши, нанесете од тонерот уште еднаш – треба да го повторите ова седумпати.

Бидејќи седумпати сепак се многу (и ретко кој има време), доволно е да нанесете и два-три слоја за да забележите разлика.

Кремот со фактор е задолжителен

Корејките не излегуваат од дома без да нанесат крем со фактор, а и кога се излезени, во чантата си го земаат и кремот.

Изложеноста на сонце без заштита е најбрз начин да добиете брчки, но и да си го зголемите ризикот од рак на кожа.

Па, не го заборавајте кремот со фактор, а кога сте излезени цел ден, нанесувајте го одново на секои 2-3 часа.

Не го заборавајте вратот

Кожата на вратот е поделикатна, па важно е да ја негувате и неа. Односно, кога го чистите лицето, чистете го и вратот. Кога ставате серум на лицето, ставете и на вратот. Кога ставате крем со фактор, ставете и на вратот...

Генерално, секој продукт што го нанесувате лицето, користете го и за кожата на вратот.

Спирова С. | Црнобело