7 тајни на жените од Јужна Кореја за здрава кожа на лицето, со „порцелански“ изглед

Двапати неделно ставајте маска што ја хидрира кожата, правете вежби за лице и јадете храна со пробиотици – како до порцеланска кожа, како на жените од Јужна Кореја?

Во ерата кога сите сме (донекаде) опседнати со нега на кожа, корејските продукти стануваат сè попопуларни.

Од една страна, оние кои користат корејски продукти велат дека се навистина добри, а од друга, факт е дека жените од Јужна Кореја навистина изгледаат како да имаат порцеланска кожа.

Но, покрај тоа што имаат пристап до добра и квалитетна козметика, тие се служат и со низа трикови кои им помагаат да постигнат здрав и свеж изглед на кожата.

Па, кои се нивните тајни?

Двојно чистење на лицето

Прво правило за здрава кожа на лицето е никогаш да не си легнувате со шминка. Притоа, не треба да ја отстранувате шминката со што било, како на пример сапун или многу силни средства за миење.

Корејките прават двојно чистење на лицето – најпрво користат масло (или средство на база на масло) за отстранување шминка кое нежно ја чисти кожата. Потоа користат отстранувач на база на вода, како мицеларна вода, за уште потемелно, но нежно чистење на лицето.

Секако, не мора да ги користите баш овие продукти за двојно чистење, но користете нешто што нежно ја отстранува шминката, а не продукти кои ја сушат кожата.

Маски за хидратација

За кожата да изгледа здраво, мора да биде хидрирана, а покрај кремовите за оваа намена, препорачливо е и еднаш-двапати неделно да користите маска.

Дури и ако имате мрсна кожа, не треба да заборавите да ја хидрирате кожата.

Храна со пробиотици

Во Јужна Кореја многу популарна храна е кимчи – традиционално јадење од ферментиран зеленчук, најчесто зелка.

Ова јадење е богато со пробиотици кои, пак, се одлични за здравјето на кожата. Пробиотиците ја одржуваат pH вредноста на кожата, ја хидрираат и ја зајакнуваат нејзината природна заштита.

Бидејќи кимчи често е дел од исхраната на жените во Јужна Кореја, ефектите се видливи на нивната кожа. Па, внесувајте повеќе храна со пробиотици, како јогурт, кисела зелка, кисели краставички…

Продолжува на следната страница...