Јапонска техника за подмладување на пределот околу очите - потребна е само 1 минута

Со неколку едноставни вежби со притискање на пределот околу очите, можете да ги поткренете нагоре и да им го вратите младешкиот изглед... Како изгледа оваа јапонска техника?

Како поминуваат годините, така забележуваме дека нашите очи стануваат уморни и тажни, веѓите и горните очни капаци се спуштаат, исто како надворешните агли на очите. Прво се појавуваат мали брчки, а потоа и длабоки.

Но, сепак постои начин да го подмладите пределот околу очите, а во тооа ќе ви помогне азиската шиацу масажа.

Оваа техника се разликува од другите по тоа што единствените движења што треба да ги направите е да притискате на одредени точки на пределот околу очите.

Шиацу масажата треба да се практикува секој ден, а трае само една минута.

Треба да се прави наутро, навечер или кога чувствувате дека очите ви се изморени.

Како делува шиацу масажата?

Притисокот врз одредени точки на телото и лицето помага крвта и лимфата подобро да циркулираат.

На овој начин се одвиваат многу побрзо и поефикасно метаболичките процеси во ткивата, и се подобрува природниот процес на регенерација на организмот.

Важно е да знаете дека не смеете да ги масирате овие зони, туку само да ги притискате и тоа со среден интензитет, за да почувствувате мала непријатност.

Оваа масажа помага и за зајакнување на мускулите на лицето, ги „пегла“ брчките, ја зголемува еластичноста на кожата бидејќи го стимулира производството на колаген и еластин, а се нормализира лачењето себум.

Како да изведете една шиацу масажа?

Кревање на веѓите

Делува на внатрешниот и надворешниот крај на веѓите, како и на средината на веѓите

Поставете го показалецот, средниот и домалиот прст на овие три точки и притиснете ги.

За да ги „вратите веѓите на своето место“, насочете го притисокот на краевите на веѓите малку нагоре.

Време: 7 секунди.

Отстранување на „перничињата“

Притисокот е на надворешните агли на очите.

Поставете ги показалците на соодветните точки, малку загрејте го тоа место, па притиснете и на крајот тргнете ги прстите.

Можете само малку да ги повлечете мускулите кон слепоочниците, без да ги кревате прстите.

Запомнете - не треба да ја влечете кожата, туку самиот мускул.

Време: 3 секунди, но повторете ја вежбата 3 пати.

Отстранување на отокот

Притисокот треба да е на внатрешниот агол на окото, помеѓу окото и носот.

Поставете ги показалците на наведените точки на внатрешната страна на очите и движете ги кон надворениот раб на окото, но без да ја истегнувате или поместувате кожата.

Истовремено, со показалецот и средниот прст можете да вршите притисок на внатрешниот и надворешниот агол на окото.

Време: 3 секунди, а вежбата треба да ја повторите 3 пати.

Отстранување на брчките меѓу веѓите

Со оваа вежба делувате помеѓу веѓите, во зоната на „трето око“.

Спојте ги показалецот, средниот и домалиот прст, а потоа притиснете ги трите точки меѓу веѓите.

Време: 5-7 секунди, а вежбата повторете ја 2 пати.

Подмладување на кожата под очите

Делувате на работ на коската под очите.

Поставете ги показалецот, средниот и домалиот прст на точките под очите кои се покажани на илустрацијата и притиснете.

Време: 10 секунди, а вежбата треба да ја повторите 2 пати.

А. Ј. | Црнобело