Колку е ефикасна гуа ша масажата (и како да ја направите дома)?

Се верува дека гуа ша масажата може да ги измазни брчките, но иако ова не е докажано, низа студии потврдуваат дека е корисна и може да го подобри изгледот на кожата бидејќи ја подобрува циркулацијата.

Еден од најголемите трендови за нега и убавина изминативе година-две е масажата позната како „гуа ша“ (gua sha).

Масажата, или техниката, потекнува од источните азиски земји, а се изведува со мал алат со заоблени рабови, како на фотката подолу.

Техниката е популарна и во традиционалната кинеска медицина, според која се верува дека го подобрува протокот на „виталната енергија“ и со тоа го подобрува здравјето.

Иако во Кина и во други азиски земји се користи веќе 2.000 години, оваа техника е релативно нова на западот.

Почна да се прославува благодарение ТикТок и Инстаграм, каде можете да најдете безброј видеа кои тврдат дека ваквата масажа на лице ја подобрува состојбата на кожата, но и ја намалува појавата на брчки.

Дали гуа ша масажата е навистина ефективна (и како да ја изведите)?

Кои се потенцијалните придобивки од гуа ша?

Според постаро истражување од 2007 година, гуа ша може да ја подобри циркулацијата. Исто така, испитаниците забележале и намалена напнатост и болка во мускулите во областа каде им била направена масажата.

Друго истражување од 2011-та покажало дека техниката може да биде ефикасна и во намалување на болки низ телото.

Истражување од 2017 година покажало дека гуа ша масажата може да биде од помош и во намалување на хроничната болка во грбот.

Иако може да се изведе на целото тело, најпопуларна е гуа ша масажата на лице, за која поновите истражувања покажуваат дека покрај тоа што ја намалува болката, ја поттикнува и циркулацијата, од што има низа бенефити.

Генерално, гуа ша масажата е докажано ефикасна за:

• Грчеви во мускулите
• Анксиозност
• Притисок во синусите
• Подобра циркулација
• Намалување отоци

Сепак, важно е да се напомни дека овие истражувања се ограничени и малубројни, па не значи дека сите ќе го чувствуваат истиот бенефит.

Постојат ли ризици од гуа ша?

Генерално, оваа техника е безбедна доколку се изведува правилно.

По масажата на тело, може да се чувствува слаба болка на третираното место, која би требало да се повлече по три-четири дена. За масажата на лице се користи минимален притисок, па не би требало да се јави болка.

Доколку алатките што се користат гуа ша не се правилно исчистени, може да настанат проблеми со кожата.

Според досегашните студии, најдобро прескокнете го третманот со гуа ша доколку:

• Имате дијабетес
• Имате проблеми со циркулацијата
• Пиете лекови за проретчување на крвта
• Бремени сте (или мислите дека сте бремени)

Избегнувајте гуа ша на лице доколку:

• Имате ставено филери, ботокс и слично во изминатиот месец
• Имате проблем со кожата, како псоријаза

Засега нема докази дека гуа ша масажата ги измазнува брчките, но дефинитивно може да ја ги подобри состојбата и изгледот на кожата

Како да ја изведите техниката?

Најпрво треба да си ги набавите соодветните алатки – денес лесно можете да ги најдете и онлајн, на пример на Temu. Важно е темелно да ги исчистите пред употреба.

Постојат две алатки кои најчесто се користат за гуа ша:

Камен, кој обично е направен од кварц или жад и се користи за веѓите, вилицата, грлото, образите и челото

Ролер кој исто така е направен од мазен камен и може да се користи на лицето.

Важно е да користите и масло за лице или тело и да не се масирате на сува кожа.

Ако имате проблематична кожа, тогаш купете крем или серум соодветен на вашиот тип кожа. Можете да го нанесувате и повеќепати во текот на масажата, па нема потреба да биде помрсен.

Како да ја изведите масажата на лице?

- Измијте ги рацете и лицето, па ставете серум или лосион. За поголема површина на лицето, како вилицата, користете го подолгиот дел од каменот, а за помали површини, како јаболчниците, користете го помалиот.

- Почнувајќи од вратот, со алатката за гуа ша правете нежни движења – од клучната коска до увото. Повторете три до петпати, па направете ја масажата и на друга страна.

- Потоа, поставете го каменот или ролерот на средината на брадата, па нежно придвижете го по вилицата, до увото. Повторете и на другата страна.

- Потоа, бавно придвижете го каменот или ролерот по јаболчицата, од увото. Повторете и на другата страна.

- Следно, почнувајќи под десното око, нежно повлечете ја алатката кон увото во права линија, па повторете и на другата страна.

- Потоа, почнувајќи од средината на десната веѓа, повлечете ја алатката кон надвор, до косата, и повторете на другата страна.

- Последно, ставете ја алатката на горниот дел од левата веѓа и придвижете ја нагоре по челото, повторете и на другата страна.

Важно е движењата да ви бидат нежни и да не создавате притисок. Некои експерти препорачуваат да ја правите масажата два до трипати неделно за да забележите ефект.

На интернет можете да најдете и бројни видеа кои ги опишуваат сите чекори од масажата, а можете да се консултирате и со професионалец.

Спирова С. | Црнобело