Едноставни трикови за посвеж и поблескав изглед на очите

Доколку ноќта сте ја поминале во забава, а следниот ден морате да станете рано, со употреба на неколку трикови може да изгледате свежо и нималку мамурно. Ќе бидете нежно и пристојно нашминкани, подготвени за денот кој ви следи.

Овие трикови освен што визуелно ќе ги направат вашите очи светли тие ќе допринесат и за сјајност на целото ваше лице. Но, секако не заборавајте го остатокот од шминката за ефектот да биде целосен.

Незаменливото бело моливче за очи

Наједноставниот трик за посветол ефект на очите е токму белото моливче за очи. Нанесете го моливчето на горната и долната страна од окото, доколку на капакот додадете и од белата сенка за очи ефектот ќе биде уште поголем.

Светкави сенки

Гледајте тие сенки да не бидат премногу нападни а, може да комбинирате било која боја на сенка со светки. Додадете малку светки над јаболкниците и ефектот на светли очи ќе биде уште поголем.

Розово руменило

Розовото руменило го дава целиот акцент на вашите очи а, сепак ќе изгледате природно и вашето лице ќе делува свежо.

Заводливи трепки

Виткајте ги трепките со тоа што најпрво ќе употребите алатка за виткање на трепки, а дури потоа два до три слоја на римел. Што поглема густина на трепки толку поголем ефект на крупни и светли очи кои ќе сјаат.

Црн туш за очи

Да и црниот туш за очи може да ги направи вашите очи посветли. Нанесете тенка линија која ќе заврши со драматичен шпиц на крајот. Овој ефект ќе биде уште по ефикасен доколку не нанесете руменило ниту кармин во боја.