Мали трикови за убавина кои ќе ви го олеснат животот

Лошиот женски ден најчесто започнува со наелектризирана коса, некоја модринка на видливо место и скршен кармин. Но, има брзи решенија и не е сè уништено како што ви се чини.

1. Спасете го скршениот кармин - Заради силата со која го нанесувате, големи се шансите да го скршите. Ако веќе ви се случило ова со омилениот кармин, доволно е само да го загреете и внимателно да го обликувате. Преку ноќ оставете го во фрижидер и утре дента карминот ќе биде како нов.

2. Сокријте ги модринките - Доволна е една точка ББ крема која ќе ги прекрие несовршеностите на кожата, а воедно и ќе ја хидрираат.

3. Наместо крема за бричење користете регенератор за коса - Колку пати ви се случило непријатно да се изненадите кога кремата за бричење ќе ви се потроши? Не се грижете, лесно може да ја замените со регенераторот за коса. Плус, дополнително ја омекнува и негува кожата.

4. Издржливост на шнолите - За да ви издржат цел ден во косата, најдобро би било да ги пропрскате со лак за коса, па тогаш да ги закачите во косата.

5. Непослушни веѓи - Доколку ви се разлетаат на сите страни, користете безбоен балсам за усни. Само нежно нанесете, исчешлајте и веѓите ќе ја добијат посакувана форма.

6. Брза нега за стапала - Најдобар и најефективен начин да се изборите со сувите стапала е да ги премачкате со вазелин и да облечете памучни чорапи. Преспијте со нив и проблемот е решен.

7. Долготраен кармин - За карминот да ви издржи цел ден, по нанесувањето залепете тенка салфетка и преку неа, со мала четка нанесете пудра во прав. Така ќе го фиксирате карминот и ќе го спречите размачкувањето.

8. Спречете го боењето на забите со кармин - Нема ништо полошо од црвен кармин на бели заби. Откако ќе нанесете кармин, ставете го показалецот во уста и повлечете. Вишокот кармин ќе се задржи на прстот, наместо на забите.

9. Втора намена на четката за заби - Не ја фрлајте старата четка за заби! Користете ја за да направите пилинг на усните, а можете и да ја испрскате со лак и да ги смирите непослушните кратки влакна.