Ослободете се од подраснатите влакненца после депилација

Нема ништо полошо од иритирана кожа после бричење или депилација, а појавата на подраснати влакненца е една од најлошите појави. Редовниот пилинг ќе ви помогне да се ослободите од благиот облик на внатрешни влакненца.

Се препорачува проблематичните делови да ги премачкувате со препарат на база на салицилна или гликолна киселина. За ублажување на црвенилото и отокот, добар избор е хидрокортизонската крема.

Доколку е видлив врвот на влакненцата, фатете ги со пинцета. Претходно дезинфицирајте го местото, но и пинцетата. Доволно е да ги пребришете со алкохол. Никако немојте со пинцетата да поткопувате под кожата за да не го зголемите дополнително проблемот.

За да го решите долготрајно овој проблем, најдобро е да внимавате на превенцијата.

Ако користите брич, обидете се да се бричете така што бричот ќе го повлечете низ влакната, наместо спротивно од нивниот раст. Освен тоа, немојте да ја затегнувате кожата за време на бричењето.

Проблематичните делови редовно мачкајте ги со крем или лосион кој содржи салицилна киселина.