Со што да се намачкате кога ќе изгорите на сонце?

Ако ова лето ви се случи да заборавите да ставите крема со заштитен фактор или едноставно сте премногу бледи па ништо не ви помага, има лек и за непријатните изгореници од сонцето.

Изгорениците од сонце е клучно да се негуваат со студени облоги и хидратантни лосиони, велат стручните лица.

Најдобро е да започнете со студена, смирувачка купка во која претходно сте додале неколку лажички сода бикарбона или шолја овесна каша. За ладење на изхорениците и хидрирање на кожата доволни ви се 15 до 20 минути.

Избегнувајте морска сол и пенести купки ако не сакате дополнително да ја иритирате кожата.

Мократа кожа не ја бришете со крпа, туку оставете ја природно да се исуши. Потполно сувата кожа задолжително намачкајте ја со гел од алое вера, обилно, 5 пати дневно. Повторувајте ја постапката неколку ден по ред.

Наместо купка, изгорениците можете да ги оладите и со компир. Оставете го да делува 10тина минути на црвените делови од кожата, а потоа истуширајте се со млака вода.

Поблагите изгореници можете да ги негувате со ретка смеса од вода и пченкарно брашно, која ја регенерира кожата.

Како прва помош против изгореници од сонцето исто така можете да ги користите намирниците кои ќе ги пронајдете во ладилникот - домат, краставица, кисело млеко...