Брз и едноставен: Направете сами гламурозен пилинг од ружи и ванила

Латиците од ружата може да ви помогнат за да направите неверојатни производи за нега. Ништо не може да го замени, ниту надмине мирисот на ружите, особено кога се во прашање производите за нега на телото.

Уште кога ќе помислите на комбинација од ружи и ванила, знаете дека се случува некоја магија која опива.

Но, тоа не чини цело богатство и не мора да одите во козметички салон, туку сè можете да си направите сами во домашната кујна.

Потребни состојки:

• ½ чашка шеќер
• 3 супени лажици бадемово или кокосово масло
• 1 стапче ванила
• 10 капки есенцијално масло од ружи
• 1 лажичка масло со витамин Е
• Латици од две мали ружи со вашата омилена боја

Подготовка:

Сите состојки ставете ги во блендер и кратко миксајте. На крајот додадете ги латиците и мешајте неколку секунди, додека латиците сè уште се гледаат. Тоа може да го направите и рачно.

Оставете го кратко да отстои, додека вие се туширате, а потоа слободно премачкајте се и уживајте во мирисот и свиленкастата кожа.