Нега на кожата според крвната група

Факт е дека на различните крвни групи им одговара различна исхрана и различен начин на живот, па не е ни чудо што постојат и неколку тајни за негувана кожа зависно од крвната група.

Крвна група А

Луѓето со крвна група А имаат кожа со мали пори која е склона кон потење и нема проблем со маснотии, што важи и во топлите месеци во годината.

Користењето на премногу козметички препарати може да биде стресно доживување за кожата и затворање на порите.

За овој тип кожа се препорачува користење на маслиново масло, затоа што токму витамините во него се најсоодветни за ваквиот тип на кожа.

Со оглед дека лицата со крвна група А имаат пониска температура на телото, што придонесува до стегање на кожата и создавање на набори и линии, им се препорачува и носење на потопла облека и поприродни материјали за кожата да не остаре пребрзо.

Крвна група Б

За разлика од крвната група А, оваа крвна група е потполна спротивност. Лицата со крвна група Б имаат чувствителна кожа која е склона кон промени заради надворешните и внатрешни влијанија.

Со оглед дека метаболизмот на лицата со крвна група Б е побрз, постои можност за полесно мастење на кожата, заради што се препорачува почесто користење на средства за чистење на лицето и телото со средна киселост.

Избегнувајте ги сапуните со мириси, а наместо тоа користете благ пилинг за лицето.

Крвна група АБ

Кожата на лицата со крвна група АБ лесно се приспособува на различни услови и добро се прилагодува на сонцевите зраци. Негативната страна е што полесно и побрзо доаѓа до рано стареење.

Кога се работи за негата, треба да ставите нагласок на природната козметика, вклучувајќи ги домашно изработените препарати.

Избегнувајте да го миете лицето со студена вода, па наместо тоа набавете спреј за лице со минерална вода.

Лицата со АБ крвна група имаат чести проблеми со циркулација, па постои можност за поблед тен од вообичаено.

Крвна група 0

За кожата на лицата со крвна група 0, се препорачува добар сон секоја ноќ, по барем 8 часа. Ако во тоа не успеете, големи се можностите за проблеми со кожата и нејзино сушење.

Потребно е да избегнувате средства во облик на пена, затоа што дополнително ќе ја исушат. Наместо тоа, користете благи креми и гелови за чистење.

Користете креми кои содржат SPF фактор, затоа што лошо ги поднесувате УВ зраците.