7 чекори до негувани и убави стапала во текот на летото

Од време на време сите знаеме да заборавиме дека и стапалата се изложени на сонце, море, сол, песок, исто како секој друг дел од телото. Затоа, погрижете се за нивното здравје и убавина.

1. Негувајте ги најмалку еднаш неделно

Еднаш во неделата одете на педикир или направете си педикир во домашни услови. Неопходно е да ги отстраните сите наслаги и мртви клетки од кожата за да ја сочувате мекоста. Избегнувајте средства за пилинг на база на сол, затоа што таа ја дехидрира кожата.

2. Не ги „киселете“ нозете

Можеби ви звучи чудно, но не се препорачува миење на нозете со кисели средства. Наместо тоа, на стапалата нанесете смеса од шолја шеќер, сок од 1 лимон и 1 лажица билно масло по желба. Смесата отстранете ја со влажен пешкир.

3. Камен за пети

По секое туширање задолжително истријте ги петите со камен. Така ќе ја одржите кожата мека и здрава во континуитет.

4. Лосиони и креми за пети

Посебно внимание посветете им на петите, па одма по туширањето нанесете лосион или масло и облечете памучни чорапи.

5. Заштитна крема за сонце

Не заборавајте да ги намачкате стапалата со заштитен фактор додека се сончате, посебно горниот дел кој лесно гори.

6. Одморете ги ноктите

Наместо секој ден да носите сандали и лакирани нокти, 1-2 дена во неделата облечете балетанки, исчистете го лакот од ноктите и оставете ги стапалата да дишат.

7. Јадете соодветна храна

Затоа што севкупното здравје зависи од исхраната, така и здравјето и убавината на стапалата. Избегнувајте ја храната богата со соли и прекумерна количина на шеќери.